मन्त्री तामाङसे सहिद गोबिन्द गौतमके सालिकमे माल्यार्पण
कञ्चनपुर, २ कुवाँर । नबनियुक्त सुदूरपश्चिम प्रदेशके आर्थिक मामिला मन्त्री तारालामा तामाङ सहिद गोबिन्द गौतमके सालिकमे माल्यार्पण करले बाटै ।
नेकपा (एकिकृत समाजवादी) के नेता समेत रहल मन्त्री तामाङ पद ग्रहण करल डुसरा दिन सहिद गोबिन्द गौतमके सम्मान स्वरूप शालिकमे माल्यार्पण करल हुइट ।
शुकके साझ सुदूरपश्चिम प्रदेशके अर्थमन्त्री बनके सपथ ग्रहण करल मन्त्री तामाङ शनिच्चरके सकारे सहिद गोबिन्द गौतमके शालिकमा माल्यार्पण करे पुगल रहिट ।
मन्त्री तामाङसंगे पुनर्वास नगरपालिकाके नगर प्रमुख जिवनराज थापा फेन सहिद गौतमके शालिकमे माल्यार्पण करल रहिट । माल्यार्पण पश्चात् मन्त्री तामाङ सहिदके बाबाहे फेन दोसल्ला ओह्राके सम्मान करल रहिट ।
२०७३ फाल्गुन २६ गते सीमा विवादमे हुइल झडपमे भारतीय प्रहरीके गोली लागके शहीद गौतम सहादत प्राप्त करल रहिट ।
सुदूरपश्चिमके सीमा सर्वेके लाग घरी घरी गठन हुइल सीमा सर्वे टोलीसे अन्य ठाउँमे सर्वे कैके सीमास्तम्भ समेत निर्माण होसेक्लेसे फेन सुरक्षा चुनौती डेखैटी पुनर्वासमे भर सर्वे किल करल बा । सीमा स्तम्भ गारल नैहो ।
