जोशीपुर बजार व्यवस्थापन समितिके छैठौं साधारण सभा
पहुरा समाचारदाता
जोशीपुर, ४ कुवाँर । कैलालीके जोशीपुर गाउँपालिका जोशीपुर बजार व्यवस्थापन समितिके छैठौं साधारण सभा सम्पन्न हुइल बा ।
बजार व्यवस्थापन समितिके अध्यक्ष विश्वनाथ चौधरीके अध्यक्षतामे हुइल कार्यक्रमके बर्का पहुना जोशीपुर गाउँपालिका अध्यक्ष रामकृष्ण चौधरी रहल रहिट ।
कार्यक्रमके बर्का पहुना चौधरी ब्यपार व्यवसायहे आघे बह्राइक लाग अपने चिन्तित रहल बटैलै । उहाँ बजार विकासके लाग बजारके पुरुब ओरके डगरामे ग्राभेल ओ पश्छिउ ओर कालोपत्रे सडक निर्माण कार्यके लाग बजेट विनियोजन करल बटैलै ।
कार्यक्रमके खास पहुना उद्योग वाणिज्य संघ कैलालीके पुर्व सदस्य लक्ष्मी विनाडी रहल रहिट । कार्यक्रममे जोशीपुर जेसिजके अध्यक्ष केशव राज जोशी लगायतके उपस्थिति रहल रहे ।
कार्यक्रममे दुर्गा मैनी स्वागत मन्तव्य राखल रहिट ।
कोषाध्यक्ष शान्ता भण्डारी आर्थिक बरस ०७७/७८ के ४ लाख ६८ हजार ५५४ आयव्यय विवरण प्रस्तुत करल रहिट । जोशीपुर जेसिज पुर्व अध्यक्ष शेखर श्निपाइली, वर्तमान अध्यक्ष २०२१ केशव राज जोशी, संस्थापक अध्यक्ष सन्तोष पौडेल लगायत शुभकामना मन्तव्य व्यक्त करल रहिट ।
कार्यक्रमके सञ्चालन बजार व्यवस्थापन समिति सचिव कविता विष्ट करल रही ।
