सेती प्रयोगशालाके परीक्षणमे २२ जनहनमे कोरोना पुष्टि

धनगढी, ६ कुँवार । सेती प्रादेशिक अस्पतालके प्रयोगशालामे कैगिल परीक्षणमे २२ जनहनमे कोरोना संक्रमण पुष्टि हुइल बा । पछिल्का २४ घण्टामे अस्पतालके प्रयोगशालामे ८९ नमूनाके परिक्षण कैगिलमे २२ जनहनमे संक्रमण पुष्टि हुइल अस्पतालके सूचना अधिकारी दिलिप कुमार श्रेष्ठले जानकारी डेलै ।
ओहकान अन्सार पछिल्का २४ घण्टामे १ जाने संक्रमित मजा होके घर लौटसेकल बाटै । अस्टहीके हाल अस्पतालमे १३ जाने कोरोना संक्रमितके उपचार हुइटीरहल बा । जौन मध्ये ३ जनहनके आइसियु ओ २ जनहनके भेन्टिलेटरमे उपचार हुइटी रहल जनाइल बा ।