अवैध लागूऔषध सहित पक्राउ

पहुरा समाचारदाता
धनगढी, ८ कुवाँर । कैलालीके गोदावरी नगरपालिका–२ अत्तरीया पहाड रोडस्थित सोभान गड्सेरा होटलसे २ ग्राम अवैध लागूऔषध खैरो हेरोईन जैसिन विल्गैना पदार्थ सहित धनगढी उपमहानगरपालिका–४ रातो पुल बैठना ३७ वर्षीय बिरेन्द्र खडकाहे बिफेक रात प्रहरी पक्राउ करले बा । उ होटलमे लागूऔषध कारोबार हुइटी रहल कना विशेष सूचनाके आधारमे ईलाका प्रहरी कार्यालय मालाखेतीसे खटल प्रहरी उहाँहे उ लागूऔषध सहित फेला पारके पक्राउ करल हो ।

ओस्टेक मकवानपुरके हेटौंडा उपमहानगरपालिका–११ थानाभ¥र्याङस्थित ना.३ ख ५९५० नम्बरके ट्रकसे करिब १ सय ७५ केजी अवैध लागूऔषध गाँजा सहित २ जनहनहे बिफेक दुपहर प्रहरी पक्राउ करले बा । पक्राउ परुइयामे ट्रकके चालक भिमफेदी गाउँपालिका–९ बैठना ३१ वर्षीय मोहन स्याङतान ओ ट्रकमे सवार थाहा नगरपालिका–३ बैठना २४ वर्षीय प्रसान्त कार्की रहल बटै ।

विशेष सूचनाके आधारमे जिल्ला प्रहरी कार्यालय मकवानपुरसे खटल प्रहरी पालुङसे वीरगंज ओर जैटी करल उ ट्रक बिगरके थानाभ¥याङमे मर्मत करटी करल अवस्थामे ट्रक जाँच करेबेर ट्रकभिटर फल्स बटम बनाके लुकाई छिपाई नानल उ परिमाणके लागूऔषध फेला पारके ओइनहे पक्राउ करल हो ।

ओस्टेक पर्सा, वीरगंज महानगरपालिका–१६ शंकराचार्य गेटसे ५ सय मिलिग्राम अवैध लागूऔषध ब्राउनसुगर जैसिन विल्गैना पदार्थ सहित उहे महानगरपालिका–७ बैठना २७ वर्षीय छोटु शर्माहे बिफेक साँझ प्रहरी पक्राउ करले बा । प्रहरी चौकी ईनरुवासे खटल प्रहरी उहाँहे उ पदार्थ सहित पक्राउ करल हो ।

रुपन्देही, रोहिणी गाउँपालिका–५ मझौनी चोकसे नियन्त्रित लागूऔषध २ सय ८१ एम्पुल डाईजेपाम, ३ सय १६ एम्पुल नोफिन ओ ३ सय ५ एम्पुल फेनारगन सहित २ जनहनहे बिफेक दुपहर प्रहरी पक्राउ करले बा । पक्राउ परुइययामे नवलपरासी रामग्रम नगरपालिका–१६ बैठना १९ वर्षीय इस्लाम चुरीहार ओ उहृे ठाउँ बैठना २० वर्षीय आलमगरी चुरीहार रहल बटै ।

प्रहरी चौकी पिप्रहवासे खटल प्रहरी लु.४ प ११३४ नम्बरके मोटरसाइकलहे जाँच कैना क्रममे मोटरसाइकल चालक इस्लाम ओ मोटरसाइकलमे सवार आलमगरीहे उ लागूऔषध सहित फेला पारके पक्राउ करल हो ।

ओस्टेक झापा, अर्जुनधारा नगरपालिका–११ बसपार्कस्थित होटल होटल ईमरेल्ड एण्ड लजसे ६ ग्राम ब्राउनसुगर जैसिन विल्गैना खैरो लिसाईलो पदार्थ सहित २ जनहनहे बिफेक रात प्रहरी पक्राउ करले बा ।

पक्राउ परुइयामे पाँचथर फिदिम नगरपालिका–१ बैठना २७ वर्षीय रोशन सुबेदी ओ उहे ठाउँ बैठना २८ वर्षीय सुमन कार्की रहल बटै । अस्थायी प्रहरी पोष्ट बसपार्कसे खटल प्रहरी उ लजके कोठा नम्बर २ जाँच कैना क्रममे कोठाना बैठल ओइनहे उ परिमाणके लागूऔषध सहित फेला पारके पक्राउ करल हो ।

यी सम्बन्धमे प्रहरी आवश्यक अनुसन्धान करटी रहल बा ।