थप ११०३ मे कोरोना संक्रमण, ९ जहनके मृत्यु
काठमाडौं, ८ कुँवार । नेपालमे बिटल २४ घण्टामे १ हजार १०३ जहनमे कोरोना संक्रमण पुष्टि हुइल बा ।
स्वास्थ्य तथा जनसंख्या मन्त्रालयसे डेहल जानकारी अनुसार शुकके रोज देशभर करके १ हजार १०३ जाने संक्रमित थपल हुइँट् । हालसम संक्रमितके संख्या ७ लाख ८९ हजार ८७२ पुगल बा ।
अस्टेक २४ घण्टामे १ हजार ५५० ठिक हुइल बटैं । यी सँगे डिस्चार्ज हुइनाके संख्या ७ लाख ५८ हजार ५०४ पुगल बा ।
मन्त्रालयके अनुसार २४ घण्टाके अवधिमे ९ जहनके मृत्यु बा । यी सँगे नेपालमे कोरोनासे मृत्यु हुइनाके संख्या ११ हजार ८१ पुगल बा ।
हालसम पीसीआर परीक्षण ४१ लाख ४६ हजार ७८३ पुगल बा । सक्रिय संक्रमितके संख्या २० हजार २८७ ओ २४४ जाने क्वारेन्टाइनमे रहल बटैं ।
सेती प्रयोगशालामे १८ जनहनमे कोरोना पुष्टि
सेती प्रादेशिक अस्पतालके प्रयोगशालामे शुकके १८ जनहनमे कोरोना पुष्टि हुइल बा । पाछेक २४ घण्टामे ९२ जनहनके नमूनाके कोरोना परिक्षण करलमे १८ जनहनमे संक्रमण पुष्टि हुइल हो ।
ओस्टके पाछेक २४ घण्टामे ४ जाने अस्पतालमे भर्ना हुइल अस्पतालके सुचना अधिकारी दिलिप कुमार श्रेष्ठ जनाकारी डेलै ।
ओहकान अनुसार हाल अस्पतालमे १७ जाने कोरोना संक्रमितके उपचार हुइटी रहल बा । जौनमध्ये ४ जनहनके आइसियु ओ २ जनहनके भेन्टिलेटरमे उपचार हुइटी रहल जनैले बा ।
