हसुलियामे निःशुल्क स्वास्थ्य शिविर हुइना
पहुरा समाचारदाद
हसुलिया, ९ कुँवार । महिलाहुक्रनमे १० बरस पाछेसम डेखे सेक्ना सम्भावित पाठेघरके मुहके क्यान्सर परिक्षण हसुलिया स्वास्थ्य चौकीमे निःशुल्क शिविर सञ्चालन हुइना हुइल बा ।
कैलारी गाउँपालिका स्वास्थ्य शाखाके आयोजना तथा ओरेक नेपालके आर्थिक सहयोग ओ नेपाल परिवार नियोजन संघ कैलालीके प्राविधिक सहयोगमे इहे कुँवार १० गते अँट्वारके उक्त शिविर सञ्चालन हुइना जनाइल बा ।
ओरेक नेपालके गीता चौधरी स्त्रीरोग विशेषज्ञहुक्रनसे खास कैके महिलाहुक्रनमे डेख जैना टमान स्वास्थ्य समस्याबारे चेकजाँच कैना बटैली ।
शिविरमे महिलाके पाठेघरके मुखके क्यान्सर परिक्षण, महिलाहुक्रनमे डेखजैना टमान मेरिक यौन संक्रमण सम्बन्धी परिक्षण, सल्लाह एवं लाक्षणिक उपचार सेवा, पाठेघर गिरल महिलाहुक्रनके स्क्रिनिङ तथा रिंगपेसरी सेवा, परिवार नियोजन सम्बन्धी परामर्श तथा आइयूसीडी ओ इमप्लान्ट सहित अस्थायी साधन सेवा बारे सल्लाह सुझाव डेना जनाइल बा ।
