‘छोयो नहि बहिया हो मोरे…’ सार्वजनिक (भिडियाेसहित)

पहुरा समाचारदाता
धनगढी,११ कुवाँर । ‘छोयो नहि बहिया हो मोर…’ बोल म्यूजिक भिडियो सार्वजनिक हुइल बा ।

थारु प्रोडक्सन हाउससे उ गीत यिहे कुवाँर १० गते सार्वजनिक हुइल हो । उ गीत २०६२ सालमे अडियोमे रेकर्ड हुइलेसेफे अब्बे भिडियोमे लौव पात्रके साथ दर्शक माझ लोकप्रिय हुइल गायिका मनमति बखरिया बटैली ।

मनमति बखरिया ओ पोखम चौधरीके स्वरमे रहल उ गीत ‘हमार बगिया’ एलबमसे लेहल हो । १६ बरस पहिल अडियोमे चर्चित रलक यी गीत भिडियोमे आइलपाछे दर्शक सामु लोकप्रिय बनल बा ।

यी गीतमे नित्य निर्देशन हिरा चौधरी, क्याम्रामे अमित विक साथ डेले बटै । भिडियो सम्पादन तथा कलरिङमे सुरज महतोके रहल बा । यकर साथे लगटे दुई ठो गीतके छायांकन हुइना गायिक मनमति बटैली । ‘मोरिक दिल टे बाँधल बा…,’ ‘ओ मोरे काले कौवा…’ गीतके छायांकन यिहे कुवाँर १२ से, हुइना उहाँ बटैली । यी गीतमे वीर चौधरी ओ मुस्कान चौधरीके अभिनय बा ।