कमैया प्रथा उन्मुलन समाजके अध्यक्षमे सीताराम
पहुरा समाचारदाता
धनगढी, १२ कुवाँर । कमैया प्रथा उन्मुलन समाजके अध्यक्षमे सीताराम चौधरी निर्विरोध निर्वाचित हुइल बटै ।
समाजके धनगढीमे हुइल आठौं अधिवेशन तथा १७ औं साधारण सभासे सीताराम चौधरीके अध्यक्षतामे सात सदस्यीय कार्यससमिति चयन करल हो ।
जेकर उपाध्यक्षमे आशा चौधरी, कोषाध्यक्षमे शारदा चौधरी, सचिवमे महंगु चौधरी, सदस्यमे क्रमशः रेखा चौधरी, रामकुमारी चौधरी ओ गीतादेवी चौधरी निर्विरोध निर्वाचित हुइल हुइट । कमैया प्रथा उन्मुलन समाजके संस्थापक अध्यक्ष समेत रहल चौधरी यिहीसे आघे १७ वर्ष अध्यक्ष पदमे बैठके मुक्तकमैया आन्दोलनके अगुवाई करले रहिट ।
‘मुक्तकमैया डाबुभैया, दिदीबहिनीयाके आग्रहमे फेर अध्यक्ष पद सम्हारल हुँ,’ उहाँ कहलै,–‘अपने अध्यक्ष रहेबेर ढेर मुक्तकमैयाहे पुनस्र्थापना करुवागिल रहे । ओ अभिनफे कतिपय मुक्तकमैया पुनस्र्थापनासे बन्चित बटै, न्यायिक पुनस्र्थापना अभियान फेरसे जारी हुई ।’
कैलाली जिल्लामे ४ सय ६३ जाने मुक्तकमैयाके व्यवस्थापन कैना जरुरी डेखल उहाँ कहलै ६० जाने लालपुर्जा पाकेफे जग्गा नइपाइल अवस्था बा, कलेसे ४ सय ३ जाने परिचयपत्र लगायतसे छुट हुइल बटै ।
