रामजानकी सामुदायिक बनुवामे बच्चा सहित चितुवा
पहुरा समाचारदाता
धनगढी, १४ कुँवार । कैलालीमे बच्चा सहित चितुवा भेटल बा । जिल्लाके मध्यवर्ती क्षेत्र घोडाघोडी नगरपालिकामे दुईठो बच्चाके साथमे चितुवा डेख परल हो ।
घोडाघोडी नगरपालिका वडा न ११ मे रहल श्री रामजानकी सामुदायिक बन उपभोक्ता समुह मुर्गहुवा गाउँमे बुधके साँझ ६ बजे बच्चा सहित चितुवा भेटल सामुदायिक वनके वन हेरालु काँग्रेस चौधरी बटैलै ।
घोडाघोडी क्षेत्रमे बच्चा सहित चितुवा डेखल इ पहिलचो रहल सब डिभिजन वनके कमचारी जुगराम चौधरी बटैलै । सामुदायिक वनमे चितुवा बच्चा सहित डेख परलमे सामुदायिक वनके पदाधिकारी खुसी डेखल बाटै ।
चोरिसिकारी हुइ नैडेना सामुदायिक बनुवामे उ बच्चा बैठ्ना उचित वातावरण रहल समुहके उपभोक्ता शान्ती चौधरी बटैली । वन क्षेत्रसे भरी पुर्ण रहल उ क्षेत्रमे चितुवा, बाघ, घोरल, निल गाई लगायतके जनावर ओहोरदोहोर कैना करल सब डिभिजन वन कार्यलयके प्रमुख समीर थापा बटैलै ।
