कोरोना संक्रमित एकके मृत्यु

पहुरा समाचारदाता
धनगढी, १४ कुँवार । धनगढीस्थित सेती प्रादेशिक अस्पतालमे कञ्चनपुरके एक कोरोना संक्रमितके मृत्यु हुइल बा । जिल्लाके भिमदत्त नगरपालिका वडा नम्बर ७ के ८४ वर्षीय वृद्धके कोरोनाका संक्रमणके कारण बिफेक रोज मृत्यु हुइल जिल्ला प्रहरी कार्यालय कैलाली जनैले बा ।

स्वास प्रश्वासमे समस्या डेखलपाछे उहाँहे उपचारके लाग महाकाली अस्पताल कञ्चनपुरमे लैगिल रहे । वहाँ पिसिआर चेकजाँच करेबर रिपोर्ट पोजेटिभ आइलपाछे थप उपचारके लाग उहाँहे बुधके सेती प्रादेशिक अस्पतालमे लानल रहे ।

ओहकान उपचारके क्रममे सेती प्रादेशिक अस्पतालमे मृत्यु हुइल प्रहरी जनैले बा ।