प्रहरी दिवसके अवसरमे ‘अपनेक मास्क खोइ’ सहित र्याली
पहुरा समाचारदाता
धनगढी, १७ कुँवार । धनगढीमे ६६ औँ प्रहरी दिवसके अवसरमे ‘अपनेक मास्क खोइ’ सहित र्यालीके आयोजना करल बा ।
जिल्ला प्रहरी कार्यालय कैलाली ओ प्रदेश युवा परिषद् सुदूरपश्चिम प्रदेशके आयोजनामे उ र्यालीके आयोजना करल हो । ‘मास्क लगाई, अपने बची, औरे जनहनहे बचाई’ नारा सहित धनगढीके ट्राफिक चौराहासे पार्क मोडसम र्याली सहित कोभिड १९ से बचक लाग मास्क वितरण फेन करल रहे ।
कार्यक्रममे सुदूरपश्चिम प्रदेश प्रहरी प्रमुख प्रहरी नायव महानिरीक्षक (डिआइजी) पुरुषोत्तम कँडेल, प्रदेश युवा परिषद् सुदूरपश्चिम प्रदेशके कार्यकारी उपाध्यक्ष युवराज कुँवर, पत्रकार महासंघ सुदूरपश्चिम प्रदेशके सचिव हरि जोशी, जिल्ला प्रहरी कार्यालय कैलालीके प्रमुख प्रहरी उपरीक्षक विश्व अधिकारी, जिल्ला प्रहरी कार्यालयका प्रवक्ता प्रहरी नायव उपरीक्षक (डिएसपी) प्रतीक विष्ट, युवा परिषद्के सदस्य शेरबहादुर विष्ट, प्रहरी कर्मचारी, ट्राफिक प्रहरी, पत्रकार लगायत सरोकारवालाहुक्रनके उपस्थिति रहल रहे ।
कार्यक्रममे मास्क वितरण कैटी सक्कु जनहनहे मास्कके प्रयोग कैके अपने फेन बच्ना ओ औरे जनहनहे फेन बचाइक लाग आग्रह करल रहे ।
