प्राथमिक स्वास्थ्य केन्द्रके लावा भवनके उद्घाटन
पहुरा समाचारदात
मसुरिया, १७ कुँवार । कैलालीके कैलारी गाउँपालिका वडा नम्बर ८ स्थित उदासीपुर प्राथमिक स्वास्थ्य केन्द्रके थप सेवासहित लावा भवनके उद्घाटन हुइल बा । लावा भवनके कैलारी गाउँपालिकाके अध्यक्ष लाजुराम चौधरी एक कार्यक्रम बीच उद्घाटन करले रहिट ।
स्वास्थ्य केन्द्र सुविधा सम्पन्न ल्याव, फार्मेसी सेवाके साथे एम्बुलेन्स सेवा सुरु कर्ले बा । स्वास्थ्य केन्द्रमे स्वास्थ्य अधिकृतके दरवन्दी रहलेसे फेन पदपूर्ति नैरहल ओरसे डाक्टरके व्यवस्थापन हालि करना गाउँपालिका अध्यक्ष चौधरी बटैलैं ।
कार्यक्रममे रामचरण चौधरी, बतासु चौधरी, खेम चौधरी, साहेवलाल चौधरी, लालबहादुर चौधरीलगायतके शुभकामना मन्तव्य व्यक्त करले रहैं ।
कैलारी गाउँपालिका वडा नम्बर ८ के वडाध्यक्ष तथा व्यवस्थापन समितिके अध्यक्ष दुःखीराम कठरियाके अध्यक्षतामे हुईल कार्यक्रमके सञ्चालन स्वास्थ्य केन्द्रके प्रमुख रामकिशोर चौधरी करलेर हित ।
