मानवअधिकार रक्षक नमुना विधेयक हिउँदे अधिवेशनमे छलफल कैबीः सभामुख थापा
पहुरा समाचारदाता
धनगढी, १७ कुवाँर । सुदूरपश्चिम प्रदेशके सभामुख अर्जुनबहादुर थापा मानवअधिकार रक्षक सम्बन्धी नमुना विधेयक २०७८ हे हिउँदे अधिवेशनमे छलफल कैना प्रतिवद्धता व्यक्त करले बटै ।
अनौपचारिक क्षेत्र सेवा केन्द्र (इन्सेक) सुदूरपश्चिप्रदेश कार्यालय, धनगढीके आयोजनामा करल मानवअधिकार रक्षकहुकनके अधिकार संरक्षण ओ सम्वद्र्धनके लाग प्रदेशसभा सदस्यसंग कार्याशाला गोष्ठीमे सभामुख थापा यैसिन प्रतिबद्धता जनैले रहिट ।
उहाँ कहलै—‘यी मानवअधिकार रक्षक सम्बन्धी नमुना विधेयक २०७८ हे मुर्त रुप डेना प्रदेश सभाके विषयगत समिति ओ मन्त्रिपरिषदके बैठकमे छलफल करके अइना हिउँदे अधिवेशनमे दफावार छलफल करैम ।’
इन्सेकके कार्यकारी निर्देशक विजयराज गौतम मानवअधिकार रक्षकहुकनके अधिकार सुनिश्चित कैना प्रदेशस्तरमे कानुन बन्न आवश्यक रहल ओरसे मानवअधिकार संरक्षण ओ सम्बद्र्धनके लाग मानवअधिकार रक्षक सम्बन्धी नमुना विधेयक, २०७८ मे प्रदेशसभाके सदस्यहुकनसंग छलफल कैना आवश्यक रहल बटैलै ।
सुदूरपश्चि मप्रदेश सभाके सदस्य भरतबहादर खड्का मानवअधिकार सम्वेदनशिल विषय रहल ओरसे संविधानमे उल्लेखित मौलिक हकके परिपुर्ती कैना दावित्व राज्यके हुइल ओरसे कानून बनैनासेफे कार्यान्वयन कैना चुनौती रहल बटैलै ।
सुदूरपश्चिमप्रदेश सभाके सदस्य अमरबहादुर थापा प्रदेश सरकासे कैना काम इन्सेकसे करलमे धन्यवाद ज्ञापन करटी, मानवअधिकार रक्षक सम्बन्धी नमुना विधेयक, २०७८ हे पारित कैना प्रदेश सभाके विषयगत समितिसंग अपने सेक्ना पहल कैना प्रतिवद्धता जाहेर करलै ।
राष्ट्रिय मानवअधिकार आयोगके प्रमुख मोहनदेव जोशी मानवअधिकार रक्षक सम्बन्धी नमुना विधेयक, २०७८ मे राष्ट्रिय मानव अधिकार आयोगके परिभाषा, घोषणापत्र ओ मानवअधिकार रक्षक सम्बन्धी निर्देशिका तथा प्रदेशके भौगोलिक विगतके आधारमे सामाजिक मुल्यमान्यताहे समेटे पर्ना बटैलै ।
वरिष्ठ पत्रकार चित्राङगण थापा मानवअधिकार रक्षक सम्बन्धी नमुना विधेयक, २०७८ मे व्यवस्था हुइल मानवअधिकार रक्षक परिषदहे स्वतन्त्र, निश्पक्ष ओ विस्वाशिलो बनैना परिषदके अध्यक्षमे उच्च अदालतके अवकास प्राप्त न्यायधीश ओ सदस्यमे उच्चपदस्थके सचिव तथा उपसचिव धारे पर्ना सुझाव डेलै ।
डाक्टर हेमराज पन्त मानवअधिकार रक्षक सम्बन्धी नमुना विधेयक, २०७८ स्वतन्त्र, विश्वासिलो, गैर राजनितिक ओ प्रदेशके मौलिक झल्कना करके हुई पर्ना सुझाव डेलै । दलित अधिकार मंचके अध्यक्ष सावित्रा घिमिरे मानवअधिकार रक्षक सम्बन्धी नमुना विधेयक, २०७८ मे महिलाहुकनहे ढेर जोखिम हुइना ओरसे महिला मानवअधिकार रक्षकहे फे थप्नु पर्ना बटैलै ।
अधिवक्ता टिकाध्वज खड्का मानवअधिकार रक्षक सम्बन्धी नमुना विधेयक २०७८ मे सहजीकरण करलै ।
