निःशुल्क मानसिक रोगसम्बन्धी स्वास्थ्य शिविर

पहुरा समाचारदाता
मसुरिया, १८ कुँवार । कैलालीके गौरीगंगा नगरपालिकामे मानसिक रोगसम्बन्धी एक दिने निःशुल्क स्वास्थ्य शिविर हुइल बा ।

टिपिओ नेपालके आयोजनामे मसुरिया स्वास्थ्य चौकीमे स्वास्थ्य शिविर सञ्चालन हुइल रहे ।

शिविरमे गौरीगंगा ओ घोडाघोडी नगरपालिकाके ३० जाने बिरामीहुकनहे वरिष्ठ मानसिक रोग विशेषज्ञ डाक्टर कमल गौतमसे स्वास्थ्य जाँच तथा परामर्श सेवा प्रदान करल टिपिओ नेपालके मनोपरामर्शदाता दिनेश भट्टराई जानकारी डेलैं ।

देशैभर कोभिड–१९ रोकथामके लाग करल लकडाउन ओ युवाहुकनमे लागूपदार्थ दुव्र्यसन लगायतके करण मानसिक समस्या बह्रल टिपिओके मनोपरामर्शदाता भट्टराई बटैलैं । मानसिक समस्या हुइलहुक्रे १६६०–०१–०–२००५ मे निःशुल्क टेलिफोन कैके परामर्श लेहे सेक्ना व्यवस्था मिलाइल उहाँ बटैलैं ।