‘सिकाई कब्बु अन्त्य नैहुइठ’

अनिता चौधरी
धनगढी,१८ कुवाँर । नेपाल पत्रकार महासंघके केन्द्रीय महासचिव रोशन पुरी मानव जीवनमे सिकाई कब्बु अन्त्य नैहुइना बटैले बटै ।

नेपाल पत्रकार महांसघ केन्द्रिय समितिके आयोजना तथा कैलाली शाखाके सयोजनमे सोम्मारसे धनगढीमे सुरु हुइल तीन दिवसिय तालिमके उदघाटन कार्यक्रममे उहाँ ओसिन बटाइल रहिट । उहाँ कहलै,–‘ज्ञान बँटलेसे कबु कम नइहुइना, सिकाई जटरा ढेर ओत्र मजा रहल कहटी संचारकर्मी झन अध्ययन करे पर्ना विल्गाइठ ।’ केक्रे बारेमे समाचार लिख्ना बा कलेसे ओकरबारे जानकारी हुइना आवश्यक रहल महासचिव पुरी बटैलै ।

कार्यक्रममे विशिष्ट पहुना नेपाल पत्रकार महासंघके केन्द्रिय सचिव हेमकर्ण वि.क पत्रकारहरुके हकहित ओ क्षमता अभिवृद्धिके विकास कैना जरुरी बटैलै । कार्यक्रममे महासंघका केन्द्रीय सदस्य भरत शाह संचारकर्मीहुक्रे सत्यतथ्य सन्तुलित समाचार लिखे पर्ना बटैलै । नेपाल पत्रकार महासंघ केन्द्रीय समितिके कार्यक्रम अधिकृत हिराण्य जोशी समाचार लेखाईमे परिवर्तन अथवा क्षमतावान बनाई लाग प्रत्येक वरसमे एक चो तालिम लेना जरुरी रहल बटैलै ।

नेपाल पत्रकार महासंघ कैलाली शाखाके अध्यक्ष हिमाल जोशीके अध्यक्षतामे हुइल उदघाटन कार्यक्रमके संचालन सचिव प्रेम चौधरी ओ स्वागत मन्तव्य जिल्ला उपाध्यक्ष हरिश विक करले रहिट । के सभापतित्वमे आधारभूत पत्रकारिता तालिम हुइल हो ।

कार्यक्रममे स्वागत नेपाल पत्रकार महांसघ कैलाली शाखाके उपाध्यक्ष हरिश विक करले रहिट । दुई बरसे पत्रकारिता करटी रहल २० जाने संचारकर्मीहुकन आधारभूत पत्रकारिता प्रशिक्षण तालि डेजैटी रहल बा । तालिममे एन्टेना फाउन्डेशन नेपालके कार्यकारी निर्देशक विनय गुराँगाई प्रशिक्षण डेटी रहल बटै । तालिम संचालनके लाग इन्टरनेशनल एलर्ट ओ यूरोपियन यूनियनके सहयोग रहल बा ।