अर्जुन ट्रफी राष्ट्रिय क्रिकेट प्रतियोगिता हुइना

पहुरा समाचारदाता
धनगढी, १८ कुँवार । धनगढीमे अर्जुन ट्रफी राष्ट्रिय क्रिकेट प्रतियोगिता हुइना हुइल बा । स्वर्गीय क्रिकेट प्रशिक्षक अर्जुन खड्काके स्मृतिमे धनगढी क्रिकेट एकेडेमीसे अर्जुन ट्रफी यु–१९ राष्ट्रिय क्रिकेट प्रतियोगिता आयोजना करे लागल हो ।

धनगढीमे पत्रकार सम्मेलनके आयोजना कैके आगामी कार्तिक २५ गतेसे प्रतियोगिता आयोजना हुइना जानकारी डेहल बा ।

प्रतियोगितामे १६ टीमके सहभागीता रहना जनाइल बा । प्रतियोगितामे क्लब तथा क्रिकेट एकेडेमीसे सहभागीता जनाइ सेक्ना धनगढी क्रिकेट एकेडेमीके अध्यक्ष सुवाश शाही बटैलै । ओहकान अनुसार स्वर्गीय क्रिकेट प्रशिक्षक अर्जुन खड्का धनगढी क्रिकेट एकेडेमीके संस्थापक प्रशिक्षक रहल रहिट कलेसे सुदुरपश्चिमके क्रिकेट विकासमे ओहकान भुमिका महत्वपुर्ण रहल रहे ।

लिगकम नकाउटके आधारमे हुइना प्रतियोगिताके विजेता नगद ५० हजार ओ उपविजेता नगद २५ हजार प्राप्त कैना बाटै । प्रतियोगिताके तयारी सुरु हुइल आयोजक जनैले बा । हालसम १० ठो टीमके टुङगो लागसेकल बा ।