सेती प्रयोगशालामे ५ जनहनमे कोरोना पुष्टि

धनगढी, १९ कुँवार । सेती प्रादेशिक अस्पतालके प्रयोगशालामे मंगरके ५ जनहनमे कोरोना पुष्टि हुइल बा । पाछेक २४ घण्टामे ६४ जनहनके नमूनाके कोरोना परिक्षण करलमे ५ जनहनमे संक्रमण पुष्टि हुइल अस्पतालके सुचना अधिकारी दिलिप कुमार श्रेष्ठ जनाकारी डेलै ।

उ अवधिमे अस्पतालमे १ जाने भर्ना हुइल बाटै । कलेसे ५ जाने डिस्चार्ज हुइल बाटै । हाल अस्पतालमे ८ जाने कोरोना संक्रमितके उपचार हुइटी रहल बा । जौनमध्ये ३ जनहनके आइसियु ओ १ जनहनके भेन्टिलेटरमे उपचार हुइटी रहल जनाइल बा ।