थप ८४९ जहनमे कोरोना पुष्टि, १२ के मृत्यु

काठमाडौं, २० कुँवार । बिटल २४ घण्टामे नेपालमे ८४९ जहनमे कोरोना भाइरस संक्रमण डेखाइल बा ।

स्वास्थ्य मन्त्रालयके अनुसार देशभर करल पीसीआर परीक्षणमे बुधके रोज थप ८४९ जहनमे संक्रमण पुष्टि हुइल हो । यी सँगे नेपालमे कोरोना भाइरससे संक्रमित हुइनाके संख्या ७ लाख ९९ हजार ६१५ पुगल बा ।

पाछेक २४ घण्टामे थप ८९१ जाने संक्रमणमुक्त हुइल बटैं । हालसम ठिक हुइनाके संख्या ७ लाख ७२ हजार २२९ रहल बा । नेपालमे कोरोना संक्रमणसे थप १२ जहनके मृत्यु हुइल बा । हालसम कोरोनासे मृत्यु हुइनाके संख्या ११ हजार १९२ पुगल बा ।

हालसम देशभर ४२ लाख ५६ हजार ८०३ नमुनाके पीसीआर परीक्षण हुइल बा । क्वारेन्टाइनमे ४६७ जाने रहल बटैं कलेसे आइसोलेसनमे रहनाके संख्या १६ हजार १९४ बा ।