महाकाली अस्पतालमे सुत्केरीके मृत्यु

कञ्चनपुर, २३ कुँवार । कञ्चनपुरके महाकाली अस्पतालमे एक सुत्केरीके मृत्यु हुइल बा । शनिच्चरके बेदकोट नगरपालिका–९ के २४ वर्षीय भागरथी साउँद धामीके मृत्यु हुइल हो । बच्चा जन्मासेकलपाछे साल नैझरल ओ ढिउर रगत बहके ओहकान मृत्य हुइल महाकाली अस्पतालके मेसु डा. हरिकुमार श्रेष्ठ बटैलै ।

ओहकान अनुसार अक्सिजनके मात्रा कम हुइलपाछे शनिच्चरके सकारे १ बजे सुत्केरीके मृत्यु हुइल हो । बच्चाके स्वास्थ्य अवस्था समान्य रहल डा.श्रेष्ठ बटैलै ।

मृतकके आफन्त महाकाली अस्पतालके लापरबाहीसे मृत्यु हुइल आरोप लगैले बाटै । बच्चाके हेरचाह ओ घटनाके छानविन कैना धामीके गोसिया महेन्द्र धामी आग्रह करले बाटै ।