कर्णालीमे लाउ विलटके १ वेपत्ता,५ जानेक उद्दार
पहुरा |
२४ आश्विन २०७८, आईतवार

पहुरा समाचारदाता
धनगढी,२४ कुवाँर । कर्णाली लडियामे आज लाउ विलटके एक जाने वेपत्ता हुइल बटै कलेसे ५ जानेक उद्दार कैगिल बा ।
सुर्खेत चौकुने गाउँपालिका वडा न.१० कुमालासे कैलाली मोहन्याल गाउँपालिका वडा न.०३ राजीरिक्चाओर अइटी रहल लाउ कर्णाली लडियामे विलटके उ लाउमे सवार ६ जाने मन्से जिल्ला सुर्खेत चौकुने गाउँपालिका वडा न.१० कुमाला बैठना वर्ष १७÷१८ के अनिता वि.क पानीमे डुबके बेपत्ता हुइल बटै कलेसे और ५ जानेक शकुशल उद्दार करल जिल्ला प्रहरी कार्यालय कैलाली जनैले बा । वेपत्ता अनिताके खोजी कार्य जारी रहल प्रहरी जनैले बा ।
