राज्यमन्त्री चौधरीसे सहुलियत दरमे ऋण प्रवाह कैना आग्रह

पहुरा समाचारदाता

धनगढी, २४ कुँवार । कैलालीके गोदावरी नगरपालिका वडा नम्बर ८ जमुनानगर स्थित एकता प्रगतिशिल बचत तथा ऋण सहकारी संस्था लिमिटेडके दुई कोठे भवनके उद्घाटन करल बा ।

अँट्वारके एक कार्यक्रमके बिच भौतिक योजना तथा पूर्वाधार राज्यमन्त्री चुनकुमारी चौधरी भवनके उद्घाटन करल रही । भूमि व्यवस्था कृषि तथा सहकारी मन्त्रालय सुदूरपश्चिम प्रदेशके १३ लाख अनुदान सहयोगमे निर्मित भवन निर्माणसे सहकारीहे कार्य सम्पादनमे सहयोग पुग्ना बटाइल बा ।

सहकारीके ११औं वार्षिकोत्सवहे समेत सम्बोधन कैटी राज्यमन्त्री चौधरी सहकारीहे सहुलियत दरमे ऋण प्रवाह कैना आग्रह करल रही ।

चुवानीताके करल बाचा क्रमिक रुपमे पुरा कैटी राज्यमन्त्री चौधरी गाउँघरके विकास निर्माण, खानेपानी, शिक्षा स्वास्थ्य, डगरघाट लगायतके विषय आपन प्राथमिकाताके विषय रहल बटाइल रही ।