‘जिया मोर लागेना…’ म्युजिक भिडियो सार्वजनिक (भिडियोसहित)
पहुरा समाचारदाता
धनगढी, २४ कुँवार । हमार म्युजिक बगिया लावा थारू म्युजिक भिडियो ‘जिया मोर लागेना…’ सार्वजनिक करले बा । भिडियोके टीकापुर पार्क लगायत टमान ठाउँमे छायांकन हुइल रहे ।
डसै, डेवारी ओ छठहे लक्षित कैके भिडियोमे थारु समुदायके सखिया, मुंग्रह्वा लगायतके कल्चरल नाचगानहे समोटल बा । लोप हुइटी रहल थारू लोककला गीतबासहे संरक्षण सम्र्वद्धन ओ प्रमोट कैना उद्देश्यसे म्युजिक भिडियोमे कल्चरल थारु नाचकोर समोटल फेरु चौधरी बटैलै ।
रोमन्टिक गीत ‘जिया मोर लागेना…’ मे बने लागल म्युजिक भिडियोमे देवदास ओ रितु चौधरीके मोडलिङ रहल बा । गीतके शब्द फेरु चौधरी ओ संगीत समीक्षा चौधरीके रहल बा । रियाज स्टुडियोमे रेकर्डिङ हुइल गीतमे बिजय चौधरी समीक्षा चौधरी ओ संगीता चौधरीके स्वर रहल बा । गीतके एरेन्जर पुस्कर खत्री करले बाटै ।
म्युजिक भिडियाके निर्देशन सुधराम दहित करले बाटै कलेसे क्यामेरामे बिहारी दहित ओ मनोज चौधरी रहल बाटै । मेकअपमे
सानु कुश्मी रहल बटि । म्युजिक भिडियो डसैसे आघे बजारमे अइना जनाइल बा ।
