सुदुरपश्चिम प्रदेशमे बाढ पहिरोसे १८ जानेक ज्यान गैल

पहुरा समाचारदाता
धनगढी, ३ कार्तिक । यिहे कुवाँर ३१ गतेसे कार्तिक ३ गतेसम भारी बर्खा ओ पहिरोके कारण सुदूरपश्चिम प्रदेशमे १८ जानेक ज्यान गैल बा । कलेसे भारी,धनजन ओ चौपायाके क्षति हुइल बा ।

सुदुरपश्चिम प्रदेश प्रहरी कार्यालय, धनगढी कैलालीके जानकारी अनुसार कुवाँर ३१ गते कार्तिक ३ गतेसम बाढ, पहिरोमे परके ओ घर भस्कके १८ जानेक ज्यान गैल, ११ जाने घाहिल ओ २३ जाने वेपत्ता रहल बटै ।

डोटीमे मृत्यु हुइलमे बर्ष ११ के आशिष कुन्जेडा, बर्ष १४ के सागर कुन्जेडा, बर्ष ६३ के जोगी सार्की, बर्ष ४२ के शेर बहादुर बि.क, मोहन बि.क, बर्ष १३ के पवित्रा वि.क, वर्ष १६ के रविन वि.क, वर्ष ३६ कि मन्धरा बलायर, बर्ष ५५ के झुपरी सार्की, वर्ष ५८ के हिरुवा लुहार, वर्ष ७५ के देव डुंगेल, डडेल्धुरामे बर्ष ३२ के बिष्णु अवस्थी, वर्ष ६५ के नरपता शाही, वैतडीमे बर्ष ७१ के परुदेवी महरा, वर्ष २५ के भानु पार्की, वर्ष २१ के पवित्रा पार्की ओ वर्ष ३ के देवन पार्की, बझाङमे बर्ष ७३ के धनराज जोशी, कैलालीमे बर्ष ८६ के करबीरे ढोली रहल बटै ।

घाहिल हुइलमे ११ जाने रहल बटै । जेम्ने डोटीके बिर बहादुर कुन्जेडा, बर्ष ३३ के बासुदेबी कुन्जेडा, बर्ष ७ के बिन्दा कुन्जेडा, बर्ष २९ के रमेश लुहार गम्भिर घाहिल हुइल बटै । ओस्टेक बर्ष १९ के भिम लुहार गम्भिर घाहिल बर्ष २७ के करी डुङेल सामान्य घाहिल, डडेल्धुरामे बर्ष २५ के देवकी रावल, बर्ष ७ के ग्रिस रावल, बैतडीमे बर्ष ५५ के सरस्वती बिष्ट, बर्ष ३० के माया विष्ट, बझाङमे पदमा देवी जोशी रहल बटै ।

पहिरोमे परके बझाङमे २३ जाने बेपत्ता हुइल बटै । जेम्ने बर्ष ७० के उजली पार्की, बर्ष ५० के हासु पार्की, बर्ष ६ के आयसु पार्की, बर्ष १२ के हिमा पार्की, बर्ष ८ के सिमा पार्की, बर्ष ६० के हर्क सार्की, धनगिरि सार्की, सिता सार्की, प्रभा सार्की, भुमिका सार्की, इस्वरा देवी सार्की, संजिव सार्की, सर्मिला सार्की, सुवास सार्की, विकास सार्की, मिकेस सार्की, मदन सार्की, कलु सार्की, एलिसा सार्की, कम्मा सार्की, सबिना सार्की, सरोज सार्की, सिम्जिबि सार्की बटै । ओस्टेक लडियामे पुहके कैलाली १ जाने, बर्ष ३० के गणेश आउजी, डोटीमे बर्ष ७४ के बिरे रोकाया रहल बटै । ओस्टेक जिल्ला बझाङ थलारा गा.पा. वडा नं. ०४ डिक्लाके लाग १०ः४० बजेके समयमे नेपाली सेनाके हेलिकोप्टरसे सुरक्षाकर्मी तथा स्वास्थय कर्मी लगायतके ४० जानेक उद्दार टोली खटल बा ।

मच्छी मारे जाके सम्पर्कमे नइआइल ३ जानेक हेलीसे सकुसल उद्दार करल बा । कैलालीके कर्णाली लडियामे यिहे कार्तिक मच्छी मारे जाके सम्पर्कमे नइआइलहुक्रे बर्ष ६१ के खडक बहादुर घर्ती मगर, वर्ष ३५ के विक्रम घर्ती मगर, बर्ष के २६ खडक रानामगर रहल बटै । कार्तिक ३ गते जानकी गा.पा ९ लालमटिया टापुसे लम्की चुहा न.पा ३ के वडा सदस्य दिपक शाही सहित १० जानेक टोली ¥यााफिटङसे ओइनके अवस्था बुझके हेलीसे उद्दार करल प्रहरी जनैले बा ।

पहिरो ओ डुबानमे परल प्रहरी चौकी बडाल डडेल्धुरा प्र.स.नि.सहित ७ जानेक टोली गा.पा.मे सुरक्षित, अस्थाई प्रहरी पोष्ट बागथला बझाङ प्र.स.नि. सहित ७ जानेक टोली स्कुलमे रहल, प्रहरी चौकी झुलुङे पुल कञ्चनपुर प्र.स.नि.के कमाण्डमे स्कुलमे सुरक्षित रहल बटै ।
पहिरोके कारण १७ घर भत्कल बा । जेम्ने बझाङ १२, डोटी ३, डडेल्धुरा २ पुर्णरुपमे क्षती पुगल बा । ओस्टेक पशुचौपायाके क्षतिमे भैसी ५,गोरु ५,गैया १, छेगरा २२, मुरगी २२ मुवल बटै । बंगुर बेपत्ता ३२, ओ ३६ ठो फसल बटै । बाजुरामे चट्याङ लागके १ गैया मुवल बटै ।
सुदूरपश्चिम प्रदेशके यातायात अवरुद्ध
डडेल्धुरा जिल्लाके गन्यापधुरा गा.पा.वडा नं. ३, गोईलीखेत सेल्तडा, नवदुर्गा गा.पा.वडा नं ३, गजरौला, अमरगढी न.पा.वडा नं ११ रडुवाखोला,गन्यापधुरा गा.पा.वडा नं १ साहु खर्क आलिताल गा.पा.वडा नं.१ घण्टेश्वर, कटालमे जे.सि.बि.ले रोड खुलैना काम हुइटी रहल बा ।
ओस्टेक डोटीके जोरायल गा.पा.वडा नं. १ गोल्डेन, कालागाड, नाचन्थली, उडितोला, रातुलि, पञ्चेश्वरमे स्काई भेटरसे रोड खुलैना कार्य हुइटी रहल बा ।

कञ्चनपुर ओ कैलालीके एरियामे सडक अवरुद्ध नइहुइल ओ सक्कु जिल्लामे यातायात अवरुद्ध रहल, टेलिफोन, ईन्टरनेट सेवा आँशिक रुपमे सुचारु रहल बा ।

अछाममे चोरीपाटि गा. पा ६ चुरिभावर साफे न.पा ६ धुधुरकोट ऐ. ८ बयलपाटा मंगलसेन न.पा ४ तिमिल्सेना, पंचदेवल, विनायक, न.पा २ विनायक, कमल वजार ६ कृतिपुर (स्काईभेटरसे खुलैना कार्य हुइटी रहल बा ।

बैतडीमे पुर्चौडि न.पा ६ ढोल्यामोडमे सडक खुलैना कार्य हुइटी रहल, बझाङमे वित्थडचिर गा.पा २ पैरा , केदारस्यु गा.पा १ देउरा, ऐ नारिगौडा, छविसपाथिभरा गा. पा १ जाली वगर ऐ. मौरी वगर, जयपृथ्वी न.पा ७ कचाली खोला खुलैना कार्य हुइटी रहल बा ।
दार्चुलमे शैलेशिखर न.पा.५ बगौरा वडा ६, पौनेवडा ६, ग्वानि न.पा. वडा नं. ५ किम्रिडीमे गोकुलेश्वरसे स्काईभेटरसे डगर खुलैना कार्य जारी रहल बा ।

ओस्टेक करके कर्णाली लडिया मोहना लडियाहे थुनके टिकापुर न.पा.५,८ साईपुर,कालाकुण्डा लगायत स्थानमे डुबान हुके ८० ठो घरधुरीके मनैनहे सकुशल स्कुलमे सारल बा ।

कर्णाली ओ महाकाली लडियाके पानीके बहाब
कर्णाली लडियक बहाव मापनः–११ मिटर सतहसे उप्पर खतरा रहल बा । कार्तिक ३ गते १३ः३१ बजेके अपडेट पानीके बहाव १०.४२ मिटर, महाकाली लडियक बहाव मापनः–चार लाख क्यूसेकसम सामान्य ओ साढे चार लाख क्यु सेकसे उप्पर खतरापुर्ण रहल बा । कार्तिक ३ गते ३ बजेके अपडेट,२,३९,९२६ क्युसेक रहल प्रहरी जनैले बा ।

दुई जानेक हाठीक आक्रमणसे ज्यान गैल
ओस्टेक करके जिल्ला कञ्चनपुर शुक्लाफाटा न.पा.१२ बसन्तपुर बैठना बर्ष ५५ के ध्वज बहादुर कार्की ओ हुकान गोसिनीया मथुरा कार्कीहे डिलाशैनी सामुदायिक बनसे आइल १५÷१६ हात्ती सकारे ४ः३० बजे रखेके मुवाइल ईलाका प्रहरी कार्यालय झलारी जनैले बा ।