प्रधानमन्त्री देउवा सुदूरपश्चिमके बाढ पहिरो क्षेत्रके अनुगमन

पहुरा समाचारदाता
धनगढी,४ कार्तिक । प्रधानमन्त्री शेरबहादुर देउवा सुदूरपश्चिम प्रदेशके बाढ पहिरो प्रभावित क्षेत्रके अगुगमन करटी रहल बटै । बझाङके चैनपुर पुगल उहाँ बाढ ओ पहिरोसे हुइल क्षतिके जानकारी लेहल उहाँक सचिवालयसे जानकारी डेले बा ।

प्रधानमन्त्रीसहितके टोली बिफेक सकारे काठमाडौँसे सुर्खेत हुइटी दिपायल आइल हो । प्रधानमन्त्री देउवा बिफेक रोज बझाङके थलारा, चैनपुर ओ बैतडीके ढुंगाडसम बाढसे क्षतिके करल स्थानके हवाई निरीक्षण करले बा ।

ढुंगाडसे डडेलधुराके सदरमुकाम खलंगा ओ जोगबुढा, कञ्चनपुरके महेन्द्रनगर, दोधारा, चाँदनी ओ कैलालीके धनगढी पुग्ही । धनगढीसे उहाँ शुकके काठमाडौं लौटना कार्यक्रम रहल प्रधानमन्त्रीके सचिवालय जनैले बा ।