सेती प्रयोगशालामे थप ६ जनहनमे कोरोना पुष्टि

पहुरा समाचारदाता
धनगढी, ६ कार्तिक । सेती प्रादेशिक अस्पतालके प्रयोगशालामे शनिच्चरके थप ६ जनहनमे कोरोना संक्रमण पुष्टि हुइल बा ।

पाछेक २४ घण्टामे ६४ जनहनके नमूना परिक्षण करलमे ६ जनहनमे संक्रमण पुष्टि हुइल अस्पतालके सुचना अधिकारी दिलिप कुमार श्रेष्ठ जनाकारी डेलै । हाल अस्पतालमे ११ जाने कोरोना संक्रमितके उपचार हुइटी रहल बा । जौन मध्ये ६ जनहनके आइसियुमा उपचार हुइटी रहल बा कलेसे २ जनहनके भेन्टिलेटरमे उपचार हुइटी रहल अस्पतालके सुचना अधिकारी श्रेष्ठ जनाकारी डेलै ।

ओस्टके पाछेक २४ घण्टामामे एक कोरोना संक्रमितके मृत्यु हुइल अस्पताल जनैले बा । अस्पतालके अनुसार मृत्यु हुउइयामे कञ्चनपुरके वेदकोट नगरपालिका ५ के ३५ बर्षीय महिला रहल जनाइल बा ।