२४ घण्टामे नेपालमे ८७७ कोरोना संक्रमित ठिक हुइलैं
काठमाडौं, ७ कार्तिक । बिटल २४ घण्टामे नेपालमे ८७७ कोरोना संक्रमित ठिक हुइल स्वास्थ्य तथा जनसंख्या मन्त्रालय जनैले बा । यीसँगे नेपालमे कोरोनासे ठिक हुइलके संख्या ७ लाख ८७ हजार ५०७ पुगल बा ।
अस्टेक २४ घण्टामे मुलुकभर ६ हजार ६१ पीसीआर परीक्षणमे ५२२ संक्रमित थपल बटैं । यीसँगे पीसीआर परीक्षणसे कोरोना पुष्टि हुइलके संख्या ८ लाख ९ हजार ५६ पुगल बा । हाल सक्रिय कोरोना संक्रमितके संख्या १० हजार २ सय १ पुगल मन्त्रालयके तथ्यांकमे उल्लेख बा । अस्टेक एन्टिजेन विधिसे करल १ हजार ५६४ परीक्षणमे ३५ संक्रमित थपल बटैं ।
पीसीआर ओ एन्टिजेन विधिसे करल ७ हजार ६२५ परीक्षणमे ५५७ जहनमे पोजिटिभ डेखाइल बा ।
२४ घण्टामे मृत्यु हुइनाके संख्या ३ रहल बा कलेसे यी सँगे नेपालमे कोरोनासे ज्यान गुमाइलके संख्या ११ हजार ३४८ पुगल बा ।
क्वारेन्टाइनमे रहलके संख्या २२० रहल बा । हालसम पीसीआर परीक्षण ४३ लाख ६८ हजार ५१२ पुगल बा । २४ घण्टामे खोप लगाइलके संख्या ७ हजार ५७६ रहल बा ।
