लाइसेन्सके अनलाइन फारम अनिश्चितकालके लाग बन्द

काठमाडौं, १२ कार्तिक । सवारी चालक अनुमतिपत्र (लाइसेन्स) के अनलाइन फारम अनिश्चितकालके लाग बन्द हुइल बा । अनलाइन प्रणालीमे बिफेक दुपहरसे प्राविधिक समस्या डेखल ओरसे सोको मर्मतके लाग सेवा बन्द करल यातायात व्यवस्था विभागसे जनैले बा ।

यिहीसे सेवाग्राहीहे परे जैना असुविधाके लाग विभागसे क्षमा समेत मागल बा । नम्मा समयसे बन्द रहटी आइल लाइसेन्सके आवेदन गैल मंगरसे केल खुल्ला हुइल हो । ढिला करके खुलल पोर्टलमे एक्के चो आवेदकके चाप परेबेर समस्या आइल विभाग जनैले बा ।