फेसबुक कम्पनीके नाम फेरल, नयाँ नाम मेटा

काठमाडौं, कार्तिक १२ । विश्वके आममनैन्मे लोकप्रिय सामाजिक सञ्जाल फेसबुक अपन कम्पनीके नाम फेरके ’मेटा’ ढरले बा । फेसबुकके संस्थापक मार्क जुकरबर्ग बिफेक रोज अपन कम्पनीके नाम परिवर्तन कैके मेटा ढरना निर्णय करल सुनैलैं । कम्पनीके नामसँगे नयाँ लोगो फेन सार्वजनिक करल बा । यी आघे थम्पस अप करल लोगो रहल रहे ।

यी परिवर्तन यकर अन्य प्लेटफर्म फेसबुक इन्स्टाग्राम ओ ह्वाट्एपके लाग नैहुइना ओ यी परिवर्तन यी सामाजिक सञ्जालके मालिक कम्पनीके नाममे किल परिवर्तन हुइल बटैलैं ।