अपांगता रहल व्यक्तिहुकनहे घर दैलोमे खोप सेवा
पहुरा समाचारदाता
धनगढी,१२ कार्तिक । कैलालीके गौरीगंगा नगरपालिकामे पुर्ण अशक्त ओ अति अशक्त अपांगता रहल व्यक्तिहुकनहे घर दैलोमे जाके कोरोना विरुद्धके खोप, सहायक सामग्री नापजाँच अभियान सुरु करल बा ।
कर्डएड, लुथरन बिश्व फेडरेसन नेपाल दिगो विकास समाज भजनी ओ सर्वाङिण अपांगता विकास समाज नेपालके सयुक्त साझेदारी, गौरीगँगा नगरपालिका स्वास्थ्य शाखाके समन्वयमे पुर्ण अशक्त ओ अति अशक्त अपांगता रहल व्यक्तिहुकनके घर दैलोमे जाके कोरोना विरुद्धके खोप, सहायक सामग्री नापजाँच अभियान नगरपालिकाका ११ वडामे सफलता पुर्वक सम्पन्न कैना लक्ष्य राखल अपांगता अधिकारकर्मी नन्दराज भट्ट जानकारी डेलै ।
चार दिन वडामे निरन्तर अभियान संचालन हुइना ओ यी अभियानसे करिब २०० जाने अपांगता नागरिक लाभान्वित हुइही । उ खोप अभियानके मिति २०७८ र्कािर्तक १० गतेके दिन गौरी गौरीगंगा नगरपालिका कार्यालय स्वास्थ्य शाखा प्रमुख उमेश भट्ट, महिला तथा बालबालिका शाखा प्रमुख भावना जोशी ओ सर्वाङिण अपांगता विकास समाज नेपालके कार्यकारी निर्देशक नन्दराज भट्टसे सुरुवात करल रहे ।
