लागु औषध सहिट चार जाने पक्राउ

पहुरा समाचारदाता
धनगढी, १४ कार्तिक । कैलाली धनगढी उप–महानगरपालिका वडा नं १ वुद्धमार्ग स्थित सडक–खण्डसे ४ ग्राम १०० मिलिग्राम खैरो हिरोईन (लागु औषध) सहित ३ जाने पक्राउ परल बटै ।

शनिच्चरके साँझय साढे पाँच धनगढी उप–महानगरपालिका वडा नं १ वुद्धमार्ग स्थित सडक–खण्डमा संकास्पद रुपमे नेंगटी रहल वडा नम्बर ८ बैठना वर्ष १९ के आदर्श कुंवर, वर्ष २४ के बसन्त चौधरी ओ वडा नम्बर ६ बैठना वर्ष १८ के हिमाल शाही पक्राउ परल बटै । ओइन उप्पर शंका करके चेकजाँच करेबेर ओइन थेनसे ४ ग्राम १०० मिलि ग्राम लागु औषध खैरो हिरोईन फेला पारके तिनु जनहनहे पक्राउ करल रहे । ओइनउप्पर लागु औषध खैरो हिरोईन मुद्धा शिर्षकमे मुद्धा दर्ता करके थप अनुसन्धान कार्य हुइटी रहल बा ।

ओस्टेक करके अँटवारके सकारे ९ बजेके समयमे जिल्ला कैलाली लम्कीचुहा नगरपालिका वडा नं. १ राजीपुर स्थितमा सुनिल शाहीसे लागु औषध खैरो हेरोईन कारोबार करटी रहल कना गोप्य सूचनाके आधारमे ईलाका प्रहरी कार्यालय लम्की कैलालीसे खटल प्रहरी टोली सुनिल शाहीके थेनसे तौल २ ग्राम ३० मिलिग्राम लागु औषध (खैरो हेरोईन) फेला पारके पक्राउ करले बा । ओ लागु औषध मुद्धा शिर्षकमा मुद्धा दर्ता करके थप अनुसन्धान कार्य हुइटी रहल बा ।