प्राविधियुक्त एफजेड एस भिथ्री एक्स कनेक्ट मोटरसाइकल सार्वजनिक

पहुरा समाचारदाता
धनगढी, १५ कार्तिक । यामाहा ब्राण्ड धनगढीके लाग आधिकारिक विक्रेता श्वेता टे«डिङ कन्सर्न यामाहाके प्राविधियुक्त एफजेड भिथ्री कनेक्ट एस मोटरसाइकल अँटवारके रोज एक कार्यक्रमके विच सार्वजनिक करले बा ।

यामाहा ब्राण्ड धनगढीके लाग आधिकारिक विक्रेता श्वेता टे«डिङ कन्सर्न धनगढीके प्रोपराटर राजेश भण्डारी नम्मा समयपाछे बाइक प्रेमी यूवा पुस्ताहुक्रे सार्वधिक मन पराइल बाइक मन्से यामाहा ब्राण्डके एफजेड एस भिथ्री एक्स कनेक्ट मोटर साइकल नन्ना सफल हुइल बटैलै ।

यामाहा ब्राण्ड अपन सुरुवाटी दिनसे नेपाली बाइक प्रेमीहुकनके मन जिटना कोसेढुङगा पार करटी आइल यामाहा ब्राण्ड धनगढीके लाग आधिकारिक विक्रेता श्वेता टे«डिङ कन्सर्नके एरिया सेल्स मेनेजर भानुभक्त चौधरी बटैलै । बाइक प्रेमी यूवा पुस्ताहुक्रे सार्वधिक मन पराइल बाइक मन्से यामाहा ब्राण्डके साइकल एक हो, जौन अपन समयके बाइकसे सदैव आघे रहना सफल यामाहा हरेक चो अपन शैली ओ कार्य क्षमतामे कुछ सुधार करटी अइना करद उहाँ बटैलै ।

एरिया सेल्स मेनेजर चौधरी कहलै, ‘यी बार डिजिटलाइज ओ गतिशिल पुस्ताहे यकर सुविधासे आउर ढेर लाभान्वित पुगैना लक्ष्य रख्टी एफजेड एस भिथ्री एक्स कनेक्ट डिजाइनके बाइक नानल हो ।’

एफजेड एस भिथ्री एक्स कनेक्ट लाल, निला, हरियार रंगके मोटरसाइकल दाम ३ लाख ७९ हजार ९ सय ओ करिया मोटरसाइकल दाम ३ लाख ८९ हजार ९ सय नेपाली बजारमे रहल यी बाइकके सबसे भारी यम्ने ब्लुटुथ रहल उहाँ बटैलै । जेम्नेसे गुगल प्लेस्टोर ओ आइ ओ एसमे पैना ‘यामाहा मोटरसाइकल कनेक्ट एक्स’ निशुल्क डाउनलोड करके यी बाइकके स्मार्ट मोडके विविध जीवन सुलभ बनैना सुविधा लेहे सेक्ना उहाँ कहलै ।

नयाँ बाइकके बारेमे जानकारी डेटी उहाँ ब्लुटुथके प्राविधिके पहिल सुविधा ‘एन्सर ब्याक’ बा । जौन प्रविधिसे साधन कहाँ धारल बा कना पटा मिल्ना बटैलै । दुसर प्राविधिक सुविधा ‘इ–लक’ के व्यवस्था रहल बा । जेम्ने प्याट्रन रहल ओरसे सुरक्षात्मक दुष्टिकोणसे बहुट मजा हो ।

एफजेड एस भिथ्री एक्स कनेक्ट मोटरसाइकलमे टिसरा सुविधा ‘लोकेट माइ बाइक’ जेम्ने चालक अपन बाइक कहाँ धारल बा कना सहजुले पटा पाइसेक्ही । चौठा सुविधा ‘राइडिङ हिस्ट्री’ बा । जेम्ने बाइक कहाँ चलटा, कटरा किलोमिटर नेंगल कना पटा पाइसेक्जाई । पाँचौ सुविधामे ‘पार्किङ सुविधा’ बा जेम्ने नक्साबारे पटा मिल्ना जनागिल बा । कलेसे ‘हजार्ड’ बटन दबाइलपाछे सक्कु इन्डिकेटर लगातार झिम्ने लग्ही जौन अति आकस्मिक अवस्थाके बेला सडकमे रहल ओर सहयात्रीहे सर्तक रहन सुचित कैना उपयोगी हुइना एरिया सेल्स मेनेजर चौधरी बटैलै ।

उ मोटरसाइकल अनावरण करके वडका पहुना रहल शसस्त्र प्रहरी वल सुदूरपश्चिम प्रदेश प्रमुख डिआइजी दुर्गा प्रसाद भट्टराई ओ विशिष्ट पहुना कैलाली उद्योग वाणिज्य संघ कैलालीके महासचिव ओम विष्ट सार्वजनिक करल रहिट ।