देवहरिया सामुदायिक वनके अध्यक्षमे शारदा प्रसाद

पहुरा समाचारदाता
धनगढी,१६ कार्तिक । कैलालीके धनगढी उपमहानगरपालिका वडा नं. ७ स्थित देवहरिया सामुदायिक वन उपभोक्ता समुहके अध्यक्ष पदमे शारदा प्रसाद राना निर्विरोध चयन हुइल बटै ।

१८औँ बार्षिक सधारण सभा तथा ९औ अधिवेशनसे शारदा प्रसाद रानाके नेतृत्वमे नयाँ कार्यसमिति निर्विरोध चयन करल हो । ओस्टेक नव निर्वाचित कार्यसमितीके उपाध्यक्षमे जगत राना, सचिवमे संगिना जागरी, कोषाध्यक्षमे भागिराम चौधरी, सहसचिवमे धनवहादुर शाह चयन हुइल बटै ।

टोल सदस्यमे जयराज जोशी, रेस्मा चौधरी, तुलिया चौधरी, भागिराम चौधरी, राचना चन्द, कमला शाहु, गंगाधर जोशी, भौमी चौधरी, रामचन्द्र राना, मानबहादुर राना, सुनिता धिमिरे ओ लक्ष्मी गिरी रहल बटै ।

लौवा कार्यसमितहे निर्वाचन समिति संयोजक सरस्वती माविके प्र.अ. तथा सल्लहकार ज्ञानेन्द्र बहादुर शाह पद तथा गोपनियताके सफथग्रहण करैले रहिट । सपथग्रहण कार्यक्रममे धनगढी उपमहानगर पालिका वडा नं. ७ के अध्यक्ष सिताराम राना, समुहके पुर्व अध्यक्ष देवबहादुर सेठी, भजन राना नव निर्वाचित सदस्यहुकनहे शुभकामना डेहल रहिट ।