रड प्रहार करके हत्या करुइया व्यक्ति पक्राउ

पहुरा समाचारदाता
धनगढी,२२ कार्तिक । रड प्रहार करके एक बृद्धाके हत्या करुइया लउण्डाहे प्रहरी पक्राउ करले बा । पक्राउ परल लउण्डा मोहन्याल गाउँपालिका वडा नं.४ स्थित महरा निर्माण सेवामे सञ्चालित टिपरमे खलासी काम कैना दैलेख जिल्ला गुराँस गाँउपालिका वडा नं. ३ खिमडी बैठना बर्ष १८ के जीवन शाही ठकुरी रहल बटै । उहाँ कैलाली मोहन्याल गाउँपालिका वडा नं. ४ सिम्ली खोला लग्गे विगत १ बर्षसे पसल सञ्चालन करटी आइल घोडाघोडी नगरपालिका वडा नं. ४ जनकपुर बैठना बर्ष अं. ५५ के पदम आचार्यहे रड प्रहार करके हत्या करल जिल्ला प्रहरी कार्यालय कैलाली जनैले बा ।

यिहे कार्तिक २१ गते दुपहर १२ः५० बजेके समयमे उहे पसल पाछे घोप्टया परके मरल अवस्था बा कना खबर प्राप्त हुइटीकी ईलाका प्रहरी कार्यालय सुखडसे प्रहरी नायव उपरीक्षक सागर बोहराके कमाण्डमे प्रहरी टोली घटनास्थलमे खटल रहे ।
तत्काल घटनास्थल तथा लाशके प्रकृतिसे घटना शंकास्पद देखलपाछे थप अनुसन्धानके लाग सुदुरपश्चिम प्रदेश प्रहरी कार्यालय तथा जिल्ला प्रहरी कार्यालय कैलालीसे विशेष अनुसन्धान टोली परिचालन कैनाके साथे जिल्ला प्रहरी कार्यालयके प्रमुख प्रहरी उपरीक्षक विश्व अधिकारी समेत घटनास्थलमे पुगल रहिट ।

प्रारम्भिक अनुसन्धानसे मोहन्याल गाउँपालिका वडा नं.४ स्थित महरा निर्माण सेवामे सञ्चालित टिपरमे खलासी काम कैना दैलेख जिल्ला गुराँस गाँउपालिका वडा नं. ३ खिमडी बैठना बर्ष १८ के जीवन डेवारी बिदाके बेला ऐक्केली निर्माण सेवाके रेखदेखमे खटल रहिट । बिदाके बेलामे उहाँ मृतकके पसलमे खाना खैना करल, दुनु जाने कार्तिक २० गते साँझसंगे रहलमे दुसर दिन जीवन उ ठाउँसे बेपत्ता हुइल रहिट ।
अनुसन्धानके क्रममे ठकुरी बाँकेके नेपालगञ्जमे रहल पत्ता लागल अनुरुप हुकहिनहे पक्राउ कैना जिल्ला प्रहरी कार्यालय बाँकेहे अनुरोध कैनाके साथे सुदुरपश्चिम प्रदेश प्रहरी कार्यालय, जिल्ला प्रहरी कार्यालय ओ ईलाका प्रहरी कार्यालय सुखडसे विशेष टोली परिचालन करके जीवनहे नेपालगञ्जसे पक्राउ करल बा ।

अनुसन्धानके क्रममे मृतकसे जीवनहे हेपके होच्य्याके बोल्न करल, कार्तिक २० गते रातके जीवन मासु अपनही पकाके मृतकके पसलमे लैजाके खाना खाई गैल समयमे मृतकसंग एक क्वाटर रहर नामक रक्सी मागके पिना शुरु करले रहिट उहे क्रममे पदम फेरसे हेपके होच्याके बोल्न शुरु करल, सामान्य विवादके क्रममे पदम एक्कासी जीवनहे दुई लठ्ठी मारलपाछे दुनुहुन बीच हात हालाहाल हुइल रहे । छाँड मछाँड करटी करिब साढे ९ बजेसे १० बजेक बीचमे ठकुरीसे रडले पदमहे प्रहार करटीकी पदम भुईँमे ढलल रहिट ।

ओकरपाछेफे ठकुरी अपन सुत्न ठाऊँके बाहेर बैठके बाँकी डारु पिके सुटल ओ सकारे करीब ५ बजेओर उठके उहाँसे भागल प्रहरी जनैले बा । तत्कालके आवेश थामे नइसेक्के रडसे प्रहार करलपाछे पदमके मृत्यु हुई गैल जीवन स्विकार करले बटै । हुकहिनहे पक्राउ करके ज्यान सम्बन्धी कसूरमे थप अनुसन्धान जारी रहल जिल्ला प्रहरी कार्यालय कैलालीके प्रवक्ता प्रतिक विष्ट जनैले बटै ।