अवैध लागूऔषधसहित ४ जाने पक्राउ
पहुरा समाचारदाता
कैलाली, २९ कार्तिक । कैलाली धनगढी उप–महानगर पालिका वडा न.३ मिलनचोक स्थित सडकखण्डसे लागु औषध सहित ३ जाने पक्राउ परल बटै ।
शंकास्पद रुपमे नेंग्टी रहल अवस्थामे जिल्ला कैलाली गोदावरी न.पा.५ बैठना बर्ष २२ के पुस्कर सुनार, वर्ष २७ के टेकराज भट्ट ओ जिल्ला रुपन्देही बुटवल उप–महानगरपालिका वडा न.६ घर रहल हाल धनगढी उपमहानगरपालिका वडा न.३ कोठा करके बैठना बर्ष २५ के शुभम क्षेत्रीहे वडा प्रहरी कार्यालय कैलाली पक्राउ करले बा ।
ओइनउप्पर शंका लागके चेकजांच करेबेर ओइन ठेनसे लागु औषध खैरो हिरोईन २५० मिलि ग्राम, नाईट्राभेट ११९ ट्याब्लेट, प्रोक्सीवेल स्पास २३ क्याप्सुल फेला पारके तिनु जननहहे पक्राउ करल जिल्ला प्रहरी कार्यालय कैलाली जनैले बा । ओइन उप्पर लागु औषध शिर्षक मुद्दा दर्ता करके थप अनुसन्धान कार्य हुइटी रहल जनागिल बा ।
ओस्टेक गौरीगंगा नगरपालिका–९ शंकरपुरसे करिब १० ग्राम अवैध लागूऔषध खैरो हेरोइन जैसिन वस्तु सहित लम्कीचुहा नगरपालिका–१ लम्की बसपार्क बैठना १९ वर्षीय सन्देश पहाडीहे अँटवार दुपहर प्रहरी पक्राउ करले बा ।
ईलाका प्रहरी कार्यालय मसुरिया ओ अस्थाई ट्राफिक प्रहरी पोष्ट मसुरियासे खटल प्रहरी जाँच कैना क्रममे उहाँहे उ वस्तु सहित फेला पारके पक्राउ करल हो । यी सम्बन्धमे प्रहरी आवश्यक अनुसन्धान करटी रहल बा ।
