डन्लपमे लोड करल सालके गोलिया सहित दुई प्रकाउ

पहुरा समाचारदाता
धनगढी, ०१ अगहन । गोरुगाडामे नुका छिपाके धारल २१ क्युफिट गोलियासहित दुई जाने पक्राउ परल बटै । वनके गस्ती टोलीसे धनगढी उपमहानगरपालिका–११ के मोहन राना ओ वडा न ९ बैठना जगदीश रानाहे गोरुगाडा सहित पक्राउ करल हो ।

सव डिभिजन वन कार्यालय फुलबारी ओ धनगढीके संयुक्त गस्ती टोलीसे उ काठ बरामद करल हो । टोलीसे धनगढी उपमहानगरपालिका–११ के सीता राम सामुदायिक बनसे सालके रुख काटके चोरी निकासीके लाग धनगढी १७ के सिद्ध बाबा समुदायिक वन क्षेत्रमे नुकाइल अवस्थामे फेला पारल फुलबारी सव डिभिजन वन कार्यलय प्रमुख निराजन कडाले जानकारी डेलै ।

सिताराम सामुदायिक वनसे काठ सिद्धबाबा सामुदायिक वनमे धारके उहाँसे बाहर बेचक लाग लुकायके अवस्थामे गोप्य सुचनाके आधारमे गस्ती टोलीसे गाडामे लोड करल अवस्थामे काठ बरामद करल बताइल बा । काठ चोरीमे सलग्न रहल रानाहे थप अनुसन्धान ओ कारबाही दुनहुनहे वन ऐन २०७६ ओ वन निमावली २०५१ अनुसार कार्वाही हुइना सब डिभिजन वन कार्यलय धनगढी प्रमुख जिसन कार्कीसे बटैले बटै ।