चोरीके गरगहना ओ नगदसहित दुई पक्राउ
कञ्चनपुर, १ अगहन । कञ्चनपुरमे चोरीके करोडौंका गरगहना ओ नगदसहित प्रहरी दुई जनहनहे पक्राउ करले बा ।
कैलालीके लम्कीचुहा नगरपालिकाके विष्णु शाही ओ कञ्चनपुर बैठुइया ओहकान दादा लालबहादुर भारतके बेङलोरमे एक बरससे घरेलु कामदार रहिट । बेङलोरस्थित शदाशिव नगरके भेन्कीपिन्च स्कोटीके घरमे उहाँहुक्रे काम कैटी आइल रहिट । स्कोटीके घरसे करोडौंके गरगहना ओ नगद चोरी करल आरोपमे विष्णु ओ लालबहादुरहे प्रहरीले पक्राउ करल हो ।
कञ्चनपुरके इलाका प्रहरी कार्यालय त्रिभुवनवस्ती ओ सशस्त्र प्रहरीके संयुक्त टोली मंगरके बेलौरीसे उहाँहुक्रनहे पक्राउ करल हो । उहाँहुक्रे १० देशके बैदेशिक मुद्रा ओ १६३ तोला सोन फेन बरामद करल सशस्त्र प्रहरी बल नम्बर ३५ शैलेश्वरी कञ्चनपुरके प्रमुख विरेन्द्र ऐर बटैलै ।
चोरी कैके लानल डेल कम्पनीके ल्यापटप एक थान, एप्पल कम्पनीके ल्यापटप तीन थान, ४३ हजार ९ सय भारतीय रुपैयाँ, ४० हङकङ रुपैया, १ हजार २ सय ६० थाईलेण्ड भाट, ४१ हजार ५ अमेरिकन डलर, २ हजार ८ सय १० क्यानडियन डलर, २३ मलेसियन रिंगिट, १८ सिंगापुर डलर, १ कतार रियाल, १ सय ३० दुबई दिराम, १ सय ६१ युवान बरामद करले बा ।
इलाका प्रहरी कार्यालय त्रिभुवनबस्तीसे बरामद सामाग्रीके मुल्याकंन कैके पक्राउ परल व्यक्तिसहित समानहे इलाका प्रहरी कार्यालय बेलौरीमे बुझाइल बा । इलाका प्रहरी कार्यालय बेलौरी थप अनुसन्धान करटी रहल जनाइल बा ।
