जानकी गाउँपालिकाके अध्यक्ष चौधरी क्षेत्रीय सभापतिमे दावी
पहुरा समाचारदाता
लम्की, ५ अगहन । कांग्रेस कैलाली क्षेत्र–२ क्षेत्रीय सभापतिमे जानकी गाउँपालिकाके अध्यक्ष कांग्रेस नेता प्रदीपकुमार चौधरी दाबी करलै ।
नेपाली कांग्रेसके १४ औं महाधिवेशन अन्तर्गत यिहे अगहन ६ गते हुई लागल संघीय क्षेत्र अधिवेशनके सभापतिमे कांग्रेसके युवा नेता चौधरी अपन उम्मेदारी रहल ओरसे सहयोग कैना आग्रह करलै ।
पार्टीके टमान पदमे बैठके काम करे सेक्ना चौधरी सक्कु जातजाति, वर्ग, क्षेत्रहे समेटके पार्टीमे सक्कुहुनके अपनत्व कायम कैना अपन क्षेत्रीय सभापतिमे उम्मेदारी रहनल बटैले बटै ।
विजय गच्छदारसे नेतृत्व करल लोकतान्त्रिक फोरमसे पार्टी समायोजनसंगे नेपाली कांग्रेसमे समाहित हुइल चौधरी अधिवेशनमे सक्कु पक्षहे समानरुपसे समेटे नइसेक्ना पार्टी बल्गर हुई नइसेक्ना ठोकुवा करले बटै ।
महोनसिंह राठौर प्यानल निकटके चौधरी जानकी गाउँपालिकाके अब्बे अध्यक्षफे बटै । उहाँ युवाहुकनके बिच लोकप्रिय नेताके रुपमा चिन्ठै । अधिवेशनमे पार्टीमे नेतृत्व छन्टी रहल बेर सक्कु समुदाय ओ पक्षके समान ओ समानुपातिक सहभागिता नइहुइलेसे पार्टीसे स्थानीय, प्रदेश ओ सघीय निर्वाचनमे क्षेति बेहुर्ना जानकारहुक्रे बटैठै ।
अभिनसम राठौर निकट प्यानलसे सभापतिके उम्मेदारमे प्रदिपकुमार चौधरी, अरुण चौधरी, सुर्यबहादुर बटाला, कृष्ण पाण्डे, बिष्णु ढकाल आकांक्षी विल्गैठै । कमलबहादुर शाह प्यानलसे एक्केली उम्मेदार रामबहादुर विष्टसे उम्मेदारी घोषणा करेसेकल बटै ।
