माओवादी केन्द्र गौरीगंगामे ११ वडामे सर्वसहमत नेतृत्व चयन

पहुरा समाचारदाता
धनगढी, ५ अगहन । कैलाली जिल्लाके नेपाल कम्युनिष्ट पार्टी (माओवादी केन्द्र) गौरीगंगा नगरपालिकाके ११ वडामे अधिवेशन ओराइल बा ।

देशभर शनिच्चरके रोज माओवादी केन्द्रसे वडा अधिवेशन तोकल रहे । अधिवेशनसे वडा कमिटीसंग नगर प्रतिनिधीफे चयन करले बा । ११ वडामे २९ सदस्यीय समिति सर्वसहमतिसे चयन सहित ३१९ जाने वडा कमिटीके जिम्मेवारीमे समेटल बटै । वडा सम्मेलनसे ४०० जाने नगर प्रतिनिधि चयन हुइल बटै ।

गौरीगंगा नगरपालिकाके ११ वडाके अध्यक्षमे क्रमश १ मे जितेन्द्र सावँद, २ मे सिद्ध ताम्राकार, ३ मे खुशिराम चौधरी, ४ मे खेम आचार्य, ५ मे पर्शुराम बुढामगर, ६ मे राम बाहादुर पार्की, ७ मे हुकुम बहादुर ताडी, ८ मे हिरालाल चौधरी, ९ मे महासिह धामी, १० मे रामकृष्ण चौधरी, ११ मे रमेश कुमार चौधरी रहल बटै ।