मानव अधिकार रक्षक सम्बन्धी विद्येयकबारे छलफल
पहुरा समाचारदाता
धनगढी, ३ अगहन । मानव अधिकार रक्षक सम्बन्धी विद्येयक २०७८ बारे छलफल हुइल बा ।
डिसिएके आर्थिक तथा इन्सेकके आयोजनामे ओ सिसुके समन्वयमे मानव अधिकार रक्षक सम्बन्धी विद्येयकबारे छलफल हुइल हो । मानव अधिकार रक्षक सम्बन्धी तयार करल उ विद्येयकमे परिच्छेद एकमे सक्षिप्त नाम ओ प्रारम्भ, परिभाषा डेहल बा । परिच्छेद दुईमे मानव अधिकार रक्षकके काम, कर्तव्य तथा अधिकार, परिच्छेद तीनमे प्रदेश मानव अधिकार रक्षक परिषद, परिच्छेद चारमे प्रदेश मानव अधिकार रक्षक परिषदके काम कर्तव्य ओ अधिकार रहल उल्लेख बा ।
ओस्टेक परिच्छेद पाँचमे मानव अधिकार रक्षकहुकनके सेवाके सुरक्षा, परिच्छेद ६ मे उपचार सम्बन्धी हक, परिच्छेद सातमे मानव अधिकार रक्षक कोष ओ परिच्छेद आठमे विविध कहिके उल्लेख हुइल बा ।
उ विद्येयकबारे इन्सेक प्रदेश संयोजक खडकराज जोशी सहजीकरण करटी छलफलपाछे सुदूरपश्चिम प्रदेशसभामे पेश कैना उहाँ जनैलै ।
कार्यक्रममे अधिवक्ता गंगाराम पाध्याय, गम्भीरसिंह ऐर, गैसस महासंघ प्रदेश अध्यक्ष देवी खनाल, पत्रकार महासंघ कैलाली अध्यक्ष हिमालय जोशी लगायत संजालके पदाधिकारी तथा सदस्य धारेबेर निष्पक्ष व्यक्ति ओ समावेशी बनाई पर्ना जोड डेहल रहिट । कार्यक्रमके संचालन इन्सेकके परिष्कृत पौडेले करले रहिट ।
