भीम रावलसे एमाले अध्यक्षमे उम्मेदवारी घोषणा

काठमाडौं, ५ अगहन । एमाले उपाध्यक्ष भीम रावल पार्टी अध्यक्षमे उम्मेदवारी घोषणा करना हुइल बटैं । रावल आज राजधानीमे विशेष पत्रकार सम्मेलन कैके अध्यक्षमे उम्मेदवारी घोषणा करे लागल रावलके सहयोगी एकिन्द्र कुँवर जानकारी डेलैं ।

‘आज विशेष पत्रकार सम्मेलन कैके १० औं महाधिवेशनमे अध्यक्षमे उम्मेदवारी घोषणा करे लागल बटैं’, उहाँ कलैं । रावल टीम बनाके चुनाव लरना मेरिक तयारी सुरु करल बटागिल बा । चितवनमे आगामी मंसिर १०–१२ सम हुइना महाधिवेशनमे वर्तमान उपाध्यक्ष रावल उम्मेदवारी डेना हुइलसँगे केपी ओलीके सर्वसम्मत अध्यक्ष बन्ना योजनामे धक्का लग्ना डेखाइल बा ।

एमाले संस्थापन महाधिवेशनसे अध्यक्षसहितके पदाधिकारी सर्वसम्मतरुपमे छन्ना कसरत करटि आइल बा । मने, ओलीके क्रियाकलापप्रति असन्तुष्ट रावललगायत पार्टी रुपान्तरण हुइपरनामे जोर डेटि आइल बटैं ।

एमालेके तत्कालीन वरिष्ठ नेता माधवकुमार नेपालसँग निकट मानजैना रावललगायत नेपालसे पार्टी फुटाइबेर भर एमालेमे संघर्ष करना कटि साथ डेले नैरहैं । रावल पार्टीभित्तर निरन्तर अपन असन्तुष्टि ढरटि आइल बटैं ।