जावा मोटरसाइकल विक्री सुरु
पहुरा समाचारदाता
धनगढी, ८ अगहन । नेपालके लाग जावा मोटरसाइकलके आधिकारिक बिक्रेता अग्नि मोटोनिक प्रालिसे मोटरसाइकलके विक्रीवितरण सुरु करले बा ।
धनगढी ४ बोराडाडी आर्मी ब्यारेक आघे रहल डिभा मोटर्ससे आधिकारिक विक्रेताके रुपमे मंगरके रोजसे मोटरसाइकल विक्री वितरण शुरु करल हो ।
मोटरसाइकल शो रुमके सुदुरपश्चिम डिलर एसोसिएसनके (साडा) अध्यक्ष एवम कैलाली उद्योग वाणिज्य संघके वरिष्ठ उपाध्यक्ष पुष्कर ओझा उद्घाटन करले बटै ।
युवा पुस्ताहे लक्षित करके बजारमे नानल जावासे युवाहुकनके मन जित्न अध्यक्ष ओझा बटेलै । उहाँ सुदुरपश्चिममे टु ह्विलरके लाग नेपालसे सबसे ढेर डिलर रहल बटैलै ।
हालहे जावा पिराक सिंगल सिटर ओ जावा ४२ सिंगल, डबल एबियसमे उपलब्ध हुइना बटैटी डिभा मोटर्सके प्रोप्राइटर गोविन्द रेग्मी हाली स्कुटर सहित और मोडलहुक्रे उपलब्ध करैना बटैलै । अब्बे पिराकके मूल्य ७ लाख ५० हजार जावा ४२ सिंगल एबिएसके ६ लाख २० हजार ओ डबल एबियसके ६ लाख ४७ हजार रहल रेग्मी बटैले ।
