यूवा नेता भण्डारीके केन्द्रीय सदस्यमे उम्मेदवारी घोषणा
पहुरा समाचारदाता
धनगढी,१० अगहन । नेपाली कांग्रेसके महाधिवेशन प्रतिनिधी क्षितिज भण्डारी कांग्रेसके केन्द्रीय सदस्यके लाग उम्मेदवारी घोषणा करले बटै ।
शुकके रोज कैलालीके गौरीफन्टा नाकाके ७५३ बाई १७१ नम्बर सिमा स्तम्भ पिल्लरमे ठ¥यहाके उहाँ कांग्रेसके केन्द्रीय सदस्यके लाग घोषणा करल हुइट । नेपाली काग्रेसके अगहन २४ गते हुइना आसन्न १४ औ महाधिवेशनमे केन्द्रय सदस्यके लाग उम्मेदवारी घोषणा करल उहाँ बटैलै ।
उहाँ भर्खर सम्पन्न क्षेत्र नं ५ से मजा मत ३४५ नानके नेपाली काग्रेसके महाधिवेशन प्रतिनिधिमे विजयी हुइल हुइट ।
बहुमत युवाहुक्रे निर्वाचित हुके आइल बटै उहाँ कहलै कांग्रेस भिटरके गुट उपगुट त्यग्टी अग्रजके सम्मान सहित सर्वपक्षिय युवाहुकनके नेतृत्व लेना अपने आघे सरल बटैलै ।
नेपाली काग्रेसहे आमुल परिवर्तन ओ रुपान्तरणके डगरमे लैजैना ओ स्मार्ट कांग्रेस बनैना भिजनसहितके मिसन बनैना अपन उम्मेदवारी रहल बटैटी ओकर लाग रायसुझाव संकलन कैना सिमास्तम्भके माटी बोक्के राष्ट्रव्यापी अभियानमे जाई लागल उहाँ बटैलै ।
उहाँ स्मार्ट कांग्रेस निर्माणमे सर्वपक्षिय स्र्माट नेतृत्वके अभियानमे सेती महाकालीसे मेची हुइटी राजधानी काठमाण्डौ समके यात्रामे महाधिवेशन प्रतिनिधि ओ नेता, नेतृत्वके साथ ओ समर्थन महीहे हुई कना विश्वास लेहल बटैलै ।
काल्ह बाढपहिरो कोभिड, लकडाउन, आगलागीसे १ लाख काँग्रेसके चुनाव चिन्ह रुख, फलफुल तरकारीके बोट वितरण अभियान अपने सफल पारल बटैटी भण्डारी कहलै अभिन नेपाल भर रुखुवा ओ राष्ट्रिय टोपी वितरण अभियान लेके देशभरके प्रदेश केन्द्रीय मतदाता आघे जैटी रहल बटैलै ।
प्रविधिक जटिल्ताहे छिचोल्टी हम्रे सर्वपक्षिय युवाहुक्रे समावेशी ढंगसे भ्रष्टाचारमुक्त भिजन रहल नयाँ अनुहारहे निर्वाचित करैना समयके माग आवश्यक्त रहल उहाँ बटैलै ।
क्षितिज भण्डारी २५ वर्षसे नेपाली काग्रेस ओ भातृ संस्थाके राजनितीमे लग्टी आइल नेता हुइट ।
उहाँ राष्ट्र ओ राष्ट्रियताहे सर्वोपरी ठन्टी शुकके धनगढीके त्रिनगर भन्सार नाकाके डोके बजारमे रहल सिमा स्थम्भमे ठरहयाके अपन केन्द्रीय सदस्यके उम्मेदवारी घोषण करल हुइट ।
