१६ दिवसिय अभियान

पहुरा समाचारदाता
पहलमानपुर, ११ अगहन । ‘घरसे शुरुवाट करी, महिला विरुद्धके हिंसा अन्त्य करी’ कना नाराके साथ ३० औं अन्तर्राष्ट्रिय १६ दिने महिला हिंसा विरुद्ध अभियान अन्र्तगत शुकके रोज कैलालीके घोडाघोडी नगरपालिका–११ मे अन्तरक्रिया कार्यक्रम करल बा ।

घोडाघोडी नगरपालिकाके नगर उपप्रमुख प्रेमकुमारी थापाके वडका पहुनामे हुइल कार्यक्रममे विशिष्ट पहुना न्यायिक समिति सदस्य पुजा न्यौपाने, रोजगार संयोजक रोहिक प्रसाद जोशी, पत्रकार जीवन चौधरी, बालकल्याण संघके सामाजिक परिचालक सोनुराम चौधरी, निडस नेपालके सरस्वती मल्ल लगायत महिला हिंसा न्यूनिकरणमे जोड डेहल रहिट ।

घोडाघोडी नगरपालिका–११ के अध्यक्ष दानसिंह जोगीके अध्यक्षतामे हुइल कार्यक्रममे वडा सचिव प्रमोद कुश्मी स्वागत तथा कार्यक्रमबारे जानकारी डेहल रहिट ।