४७५ जनहनमे घर दैलोमे खोप सेवा

पहुरा समाचारदाता
कञ्चनपुर, ११ अगहन । कञ्चनपुर जिल्लाके पुनर्वास नगरपालिका ओ कृष्णपुर नगरपालिकाके ४७५ जाने पुर्ण अशक्त ओ अति अशक्त अपांगता रहल नागरिकहुकनहे घर दैलोमे खोप सेवा डेहल बा ।

कर्डएड, लुथरन विश्व फेडरेसन नेपाल, राष्ट्रिय मुक्त हलिया समाज महासंघ ओ सर्वाङिण अपांगता विकास समाज नेपालके सयुक्त साझेदारीमे, कञ्चनपुर जिल्लाके पुनर्वास नगरपालिका ओ कृष्णपुर नगरपालिका स्वास्थ्य शाखाके समन्वयमे पुर्ण अशक्त ओ अति अशक्त अपांगता रहल नागरिकहुकनके घर दैलोमे जाके कोरोना विरुद्धके खोप ओ सहायक सामग्री नापजाँच कार्यक्रम करके असहाय नागरिकहे सेवा डेहल उ कार्यक्रमके प्राविधिक सहजकर्ता नन्दराज भट्ट जानकारी डेलै ।

३ दिन ९ वडामे निरन्तर अभियान संचालन करके २६५ महिला ओ २०० जाने पुरुष ओस्टेक करके ६५ जाने पुर्ण, ३०५ जाने अतिअशक्त ओ ९५ जाने अन्य असहाय अपांगता रहल नागरिक लाभान्वित हुइल प्राविधिक सहजकर्ता भट्ट बटैलै ।