ट्रियो इलेक्ट्रिक अटो सार्वजनिक
पहुरा समाचारदाता
धनगढी, ११ अगहन । अग्नी इनर्जी धनगढीके लाग अधिकारिक विक्रेता वि. एण्ड ए. अटोमोटिभ्स प्रा.लिसे शुकके रोज धनगढीमे ट्रियो इलेक्ट्रिक अटो सार्वजनिक करले बा ।
अग्नी ग्रुपअन्र्तगतके सहायक कम्पनी एवं महिन्द्रा इलेक्ट्रिक भेहिकल्ह (इभी) के आधाकरिक विक्रेता अग्नि इनर्जी प्रालिसे नानल ट्रियो नामक लिथियम आइओन सञ्चालित इलेक्ट्रिक थ्री हिवलर अटो एक कार्यक्रमके विच उदघाटन करल हो । ट्रियो इलेक्ट्रिक अटोके उदघाटन धनगढी उपमहानगरपालिकाके नगरप्रमुख नृपबहादुर वड करले रहिट । उ अटोके उदघाटन करटी उहाँ सफलताके शुभकामना व्यक्तफे करलैं ।
अग्नी इनर्जी धनगढीके लाग अधिकारिक विक्रेता वि. एण्ड ए. अटोमोटिभ्स प्रा.लिके प्रवन्ध निर्देशक अविनाश चौधरी महिन्द्रा ट्रियो किन्ना ग्राहक उत्कृष्ट इन्जिनियरिङ ओ विश्वासनीयतासे लाभ उठाई सेक्न बटलै । यी अटो आकर्षण सेट, शुन्य प्रदुषण ओ इच्छाइल गुणके साथे ट्रियो नेपालमे कार्यक्षमताके साथे किफायतके लाग नयाँ मानक निर्धारण कैना उहाँ बटैलै ।
अग्नी इनर्जीके कार्यकारी निर्देशक प्रमोद भण्डारी ट्रियो इलेक्ट्रिक अटो वातावरण मैत्री रहल बटैलै । उहाँ कहलै, ‘यहाँ चल्न पेट्रोलवाला अटो वातावरण प्रदुशन करठ, मने ट्रियो इलेक्ट्रिक अटो रहल ओरसे स्वदेशके पैसामे रहना ओ अटो मालिकहुकनके हरेक बर्ष २ लाखसे ढेर रुपियक पेट्रोल बचत हुई ।
‘नेपाल दु्रुत गतिमे विकास हुइटी रहल अर्थतन्त्र हो । जे वातावरणमैत्रीके साथसाथे दीर्घकालिन दिगोपनके एजेण्डा अपनाइल बा,’ उहाँ कहलै,–‘नेपाल सरकारसे विद्युतिय सवारी साधनके प्रवद्र्धन करटी आइल ओरसे यहाँ हमार विद्युतिय थ्री व्हीलर सवारी साधनके शुभारम्भ कैना सही समय हुइल बा ।’
सर्वोत्तम शक्ति ओ उच्चस्तरके यी अटो एक चो चार्ज करलेसे १ सय ३० किलोमिटर डौरना अग्नी इनर्जीके कार्यकारी निर्देशक भण्डारी बटैलै । यी अटो जहाँफे चार्ज करे सेक्ना, यिहीसे आघे यी अटो इण्डियामे १० हजार जाने चलासेकल बटैलै । महिन्द्रा ट्रियो अटो ‘सफट टप’ भेरियन्ट रु ८ लाख ४० हजार शोरुमके मुल्यमे प्रस्तुत करल बा ।
