‘पार्टी श्रृंखलाबद्ध हमलाके सिकार हुइल’

काठमाडौं, ११ अगहन । एमाले अध्यक्ष केपी शर्मा ओली तत्कालीन अवस्थामे सरकार ढल्ना स्थिति रहल ओरसे माओवादी केन्द्रसँग पार्टी एकता करल बटैले बटैं । एमालेके १० औं महाधिवेशनके बन्द सत्रहे शनिच्चरके रोज सम्बोधन कैटि अध्यक्ष ओली पार्टीके नीति ओ योजना कार्यान्वयनके लाग अप्नेहुक्रे मिलल बटैलैं ।

मने सरकार बनाइल ओ पार्टी एकता करल दिनसे षड्यन्त्र हुइल उहाँ उल्लेख कैलैं । ‘कम्युनिष्ट आन्दोलन रक्षात्मक रुपमे गैल बेला कम्युनिष्ट पार्टी जनमत पैले रहे मने सुरुके दिनसे षड्यन्त्र सुरु कैलैं,’ उहाँ कलैं, ‘हममरउप्पर अनेक प्रहार हुइल । हमारभित्रेक अनेक व्यक्तिहुकनहे भड्कैना क्रियाकलाप हुइल । हमार पार्टी श्रृंखलाबद्ध हमलाके क्रमशः सिकार हुइटि गैल । पार्टी विभाजन कैगिल । एकीकृत हुइटिरहल नेताहुक्रे अपन संलग्न होके पार्टीभित्तर विभाजनके क्रियाकलापमे लग्लैं ओ पार्टी दुईचो विभाजन हुइल ।’