नेपालमे पाछेक २४ घण्टामे २१३ जनहनमे कोरोना पुष्टि

काठमाडौँ, ११ अगहन । नेपालमे पाछेक २४ घण्टामे २१३ जनहनमे कोरोना भाइरसके संक्रमण पुष्टि हुइल बा ।

स्वास्थ्य तथा जनसंख्या मन्त्रालयके अनुसार देशभरके टमान प्रयोगशालामे करल ४ हजार ९०७ जनहनके पीसीआर परीक्षणमे १९७ ओ १ हजार ७२५ जनहनके एन्टिजेन विधिसे करल परीक्षणमे १६ जनहनमे कोरोना पुष्टि हुइल बा ।

पाछेक २४ घण्टामे थप ३ कोरोना संक्रमितके मृत्यु हुइल बा । उहे अवधिमे मुलुकके टमान अस्पतालसे ३२५ जाने कोरोना संक्रमणमुक्त हुइल मन्त्रालय जानकारी डेले बा ।

चोखैना दर ९७ दशमलब ७ प्रतिशत रहल मन्त्रालय जानकारी डेले बा ।