मलखादसे सुरुवात, अब्बे ४ करोडके कारोवार

अध्यक्षमे मानबहादुर राना चयन

पहुरा समाचारदाता
धनगढी, ११ अगहन । दाइजो कृषि सहकारी संस्था लिमिटेडके दशौं वार्षिक साधारण सभा तथा चौठो अधिवेशन सम्पन्न हुइल बा । सहकारी ऐन २०४८ के अवधारण अनुसार २०६९ असार ११ गते धनगढी उपमहानगरपालिका–७ देवहरियामे २५ जानेक सहभागितामे स्थापना हुइल सहकारी छोट समयमे चार करोडसे ढेरके कारोवार करटी मजा प्रगतिओर लम्कल बा ।

उ सहकारीके शनिच्चरके रोज धनगढीमे हुइल दशौ वार्षिक साधारण सभा तथा चौठो अधिवेशन उद्घाटन सुदूरपश्चिम प्रदेशके भौतिक पूर्वाधार विकास मन्त्री दीर्घराज सोडारी करले रहिट । उद्घाटन कार्यक्रममे उहाँ सहकारीके माध्यमसे मुलुकहे समृद्धिके डगरओर लम्काई सेक्न बटैलै । नयाँ संविधान तीव्र आर्थिक वृद्धि ओ दिगो आर्थिक विकास कैना सार्वजनिक, निजी ओ सहकारी क्षेत्रके सहभागिता तथा विकास मार्फत् उपलब्ध साधन ओ स्रोतके अधिकतम परिचालन कैना बाट उल्लेख करल उहाँ बटैलै । सहकारीहे आर्थिक सामाजिक दायित्व बहन करटी आगे बह्रना उहाँ आग्रह करलै ।

कार्यक्रममे धनगढी उपमहानगरपालिकाके सहकारी शाखाके प्रमुख हरिसिंह साउँद, समाजसेवी दीर्घराज जोशी सहकारीके सफलताके शुभकामना व्यक्त करले रहिट । उद्घाटन सत्रमे अध्यक्ष चन्द्रकिरण राना मलखाद खरिदसे सुरुवाट करल सहकारी अब्बे ४ करोडसे ढेरके कारोवार कैना सफल हुइल बटैली । उहाँ कहली, ‘किसानहुक्रे कृषि सामग्री संस्थानमे मालखादके लाग रातभर लाइनमे बैठे पर्ना अवस्था रहे । ओकर समाधानके लाग हम्रे सहकारी खोलके यिहेसे रासायनिक मलखाद विक्री कैना सुरु करली । किसानहे मलके लाग लाइन लग्नासेफे अब्बे सहकारी मन्से मल पैलै ।’

आर्थिक वर्ष २०७७/०७८ मे सहकारीसे सात टन क्षमता रहल १ ठो ट्रक खरिद करल, किसानहुकन कृषि औजारयन्त्रमे २८ ठो पावरटिलर, १२ ठो रिफर, २२ ठो स्प्रे टंकी, १३ ठो पानीमोटर, ६ ठो बोरिङ १ ठो इन्जिन अनुदानके वितरणमे करल अध्यक्ष राना बटैली ।

सहकारी जैविक मल, रासयानिक मल, विउ विजन, किसानहुकनहे निःशुल्क सुख्खा ३ के धानके प्रमाणित विउ, कृषि ज्ञान केन्द्रसंग आवश्यक परामर्श करके साना सिचाई, थारु आलु विउ वितरण, तरकारी खेती तालिमफे संचालन करल उहाँ जनैली ।

नवौ वार्षिक साधारण सभामे महिला १३१ पुरुष ३४१ करके ४७२ शेयर सदस्य रहलमे दशौं वार्षिक साधारणसभा सम पुगट घरिम १७२ महिला ओ ३५८ पुरुष कैके ५३० जाने शेयर सदस्य पुगल उहाँ जनैली । संस्थाके शेर पुँजी ४४ लाख ६७ हजार ऋण लगानी २ करोड १० लाख ४६ हजार १ सय ४९ रुप्या ५१ पैसा, बचत ३ करोड ३६ लाख ७८ हजार ४ सय २ रुप्या ६६ पैसा रहल अध्यक्ष जनैली ।

लेखा समिति संयोजक पुरन राना सहकारीके लेखा सुपरीवेक्षण समितिके प्रतिवेदन प्रस्तुत करटी २०७७ असार मसान्तसमके वासलट सुनैटी शेयर पुँजी ४४ लाख ६७ हजार, जगेडा कोष ३४ लाख ८१ हजार २ सय ७९ रुप्या ३९ पैसा, निक्षेप बचत ३ करोड ३६ लाख ७८ हजार ४ सय २ रुप्या ६६ पैसा, चालु दायित्व १ लाख २८ हजार ३ सय १० रुप्या ९० पैसा करके ४ करोड १७ लाख ५४ हजार ९ सय ९२ रुप्या ९३ पैसा रहल बटैलै ।

कार्यक्रममे सहकारीके व्यवस्थापक वासुदेव राना आर्थिक वर्ष २०७८/२०७९ के अनुमानित आयव्यय प्रस्तुत करले रहिट । उहाँ यी आर्थिक बर्षके ४ करोड १७ लाख ५४ हजार ९ सय ९२ रुप्या ९३ पैसा आय ओ अइना आर्थिक वर्षके लाग ५ करोड ६३ लाख ६२ हजार १ सय ४० रुप्या ६८ पैसाके आय प्रस्तुत करले रहिट । कलेसे यी आर्थिक वर्षके लाग आम्दानी ४२ लाख २६ हजार ६ सय ३५ रुप्या ५४ रुप्या ओ अइना वर्षके लाग ५९ लाख ५३ हजार ४० रुप्या रहल व्यवस्थापक राना बटैलै ।

उहे विच सहकारीसे विशाल राना, बालकृष्ण राना, बसन्तोदेवी राना, पृथ्वी राना, श्याम राना, सर्जु राना, पार्वती डगौराथारु, सविता चौधरीराना, भजन राना, कल्पना देवी राना, सिटठु राना, चेतराज राना, कृष्णकुमार राना, जगतराम राना, जयलाल राना, दमोदर साहु, लालबहादुर राना, रामबाबु राना, पशुपति शिक्षा मन्दिरहे सम्मान करले बा ।
चन्द्रकिरण रानाके अध्यक्षतामे हुइल कार्यक्रममे स्वागत मन्तव्य कालीराम राना ओ संचालन दीपकराज जोशी करले रहिट ।

ओस्टेक, सहकारीसे शनिच्चरके रोज मानबहादुर रानाके अध्यक्षतामे लौवा कार्य समिति चयन करले बा । जेकर उपाध्यक्षमे कौशिल्या राना, सचिवमे दीपकराज जोशी, सदस्यमे कालिराम राना, रामऔतार राना, भगिरथ राना, सरिता चौधरी सीताराम राना, लालमति राना, भागिराम राना, लेखा समितिके संयोजकमे नन्दगोपाल राना, सदस्यमे मनिषा राना, निर्मला चौधरी राना रहल बटैलै ।