पाछेक २४ घण्टामे देशभर १५८ जनहनमे कोरोना सङ्क्रमण पुष्टि

काठमाडौँ, १२ अगहन । पाछेक २४ घण्टामे देशभर १५८ जनहनमे कोरोनाभाइरसके सङ्क्रमण पुष्टि हुइल बा । ८ हजार ९१८ जनहनके परीक्षण करेबर पीसीआर विधिसे १५४ तथा एन्टिजेन विधिसे ४ जनहनमे कोरोनाके सङ्क्रमण पुष्टि हुइल हो ।

स्वास्थ्य तथा जनसङ्ख्या मन्त्रालयके अनुसार पाछेक २४ घण्टामे थप ३४२ जाने सङ्क्रमण मुक्त हुइल बाटै । हालसम कूल सङ्क्रमितमध्ये ८ लाख २ हजार ३८९ जाने चोखा सेकल बाटै । नेपालमे चोखैना दर ९७.७ प्रतिशत रहल बा । हाल देशभर ६ हजार ९६६ जाने सक्रिय सङ्क्रमित रहल बाटै । इहे अवधिमे थप २ जाने कोरोना भाइरसके सङ्क्रमणसे ज्यान गुमैले बाटै ।

इ संगे कोभिड–१९ से ज्यान गुमुइयाके कूल सङ्ख्या ११ हजार ५२३ पुगल बा । पाछेक २४ घण्टामे थप १ लाख २७ हजार ६११ जाने कोरोनाभाइरस विरुद्धके खोप लगैले बाटै । २७ हजार ६११ जाने कोरोनाभाइरस विरुद्धके खोप लगैले बाटै ।