वार्षिकोत्सवमे वनदेवी मन्दिर सरसफाई

पहुरा समाचारदाता
हसुलिया, १४ अगहन । कैलारी गाउँपालिका–१, हसुलियास्थित लक्ष्मी लघुवित्त वित्तीय संस्था लिमिटेड हसुलिया शाखाके ११ औं वार्षिकोत्सवके अवसरमे वनदेवी मन्दिर वरपर सरसफाई कैले बा ।

संस्था शाखाके प्रमुख सदावीर चौधरीके आगवाईमे मन्दिरके सरसफाई हुइल हो । वनदेवी मन्दिरके सरसफाईसंगे फोहोरमहे ढरना डस्टविन वनदेवी मन्दिरके सञ्चालक समितिहे संस्थाके प्रमुख लगायत कार्मचारीहुक्रे हस्तान्तण कैले बटैं ।

मन्दिर सरसफाईमे कैलारी गाउँपालिका वडा नम्बर १ के वडाध्यक्ष बलकृष्ण डंगौरा, वनदेवी मन्दिरके सञ्चालक समिति अध्यक्ष, सचिव, मझरा गाउँक भल्मन्सा, ईलाका प्रहरी कार्यालयके प्रहरी, कालिका बोडिङ्ग स्कूलके कार्मचारी, हसुलिया बजारके व्यापारीहुक्रे सरसफाईमे सहयोग करल लघुवित्तके प्रमुख जनकारी करैलैं ।